Өнгөрсөн баасан гарагт Индонезийн Сулавеси аралд хүчтэй газар хөдөлж, барилга нурсны улмаас дор хаяж 81 хүний амь үрэгдэж, хэдэн мянган хүн гэр оронгүй болжээ. Баасан гарагт болсон 6.2 магнитудын газар хөдлөлтөд олон байшин нурсан бөгөөд аадар борооны улмаас дарагдсан олныг аврах ажиллагаа удааширч байгаа аж. Эвдэрч сүйрсэн барилгууд бороонд хүндэрч, дарагдсан хүмүүсийг аврах боломж багасах аюултай байна.

“Бидний аврахаар оролдсон бүх хүн нас барсан байсан. 24 цаг өнгөрвөл хэн ч амьд үлдэхгүй” хэмээн аврагч Октавианто хэлжээ. “Гэнэт архирах мэт хүчтэй чимээ сонсогдож, байшин чичирхийлж эхэлсэн. Хүмүүс сандарч, толгойд үхлийн тухай л орж ирсэн” хэмээн амьд үлдсэн 50 настай Жумарди хэлэв.

Одоогоор хэдэн хүн нуранги доор амьд байгааг тогтоох боломжгүй байгаа бөгөөд 27850 гаруй хүн амьд үлдсэн ч орон гэргүй болсны улмаас түр хорогдох байр руу шилжүүлжээ.