Археологичид дэлхийн хамгийн эртнийх байж мэдэх 45500 гаруй жилийн өмнөх зэрлэг гахайг дүрстэй сүг зургийг Индонезийн агуйгаас олжээ. Улаан, шар зосон будаг ашиглан бүтээсэн уг сүг зураг Индонезийн Сулавесийн арлын бүс нутгаас олдсон байна. Энэхүү олдвор нь 45 мянган жилийн өмнө хүмүүсийн олноор суурьшиж байсны нотолгоо буюу бидэнд мэдэгдээд буй хамгийн эртний нотолгоо байж мэднэ гэв.

“44 мянган жилийн өмнө амьдарч байсан хүмүүст орчин үеийн хүмүүстэй адил зураг бүтээх чадвар, багаж хэрэгсэл байжээ. Агуйгаас олдсон эдгээр амьтны зураг нь дор хаяж 44 мянган жилийн настай гэж тогтоосон ч түүнээс эртнийх ч байж мэднэ. Учир нь, бид сүг зургийг бүтээсэн цаг хугацааг зөвхөн кальцийн аргаар тогтоох боломжтой байв” хэмээн сүг зургийн цаг тооллыг тогтоосон Максим Аурберт хэлжээ.

Энэхүү 136*54 см харьцаатай зурагт эвэр нь ургаж, нас бие гүйцсэн зэрлэг гахайг дүрсэлжээ. Мөн зургийн дээд талд хоёр гарын хээ байгаа нь өөр хоёр зэрлэг гахайтай тулалдаж буй мэт дүрслэгдсэн байна.

“Өөр хоёр зэрлэг гахайтай тулалдаж буй мэт дүрсэлсэн нь нийгмийн харилцааг харуулсан байж мэднэ”  гэж агуйн зургийг судалсан Адам Брумм тайлбарлажээ.

Тэд гарын хээгээ үлдээхийн тулд шүлс ашигласан байж магадгүй бөгөөд тэдний шүлсний ДНХ-гээс дээж авч болно хэмээн үзэж буй аж.

Энэхүү сүг зураг нь дэлхийн хамгийн анхны сүг зураг байж  мэдэх ч хүн төрөлхтний анхны урлагийн бүтээл биш билээ. Өмнөд Африкаас 73 мянган жилийн өмнө олдсон хаштаг мэт сараачсан тэмдэг хүмүүний анхны тэмдэглэсэн зүйл хэмээн үздэг билээ.