"Gimme Gimme Gimme A Man After Midnight", "Money Money Money", "Mamma Mia", "Dancing Queen", "Happy New Year” зэрэг үзэгч, сонсогчдын хүндэтгэлийн хүлээсэн олон дуу гаргаж, дэлхийн урлагт хайртай залуусыг өөрсдийн дуу хоолой, өнгө төрхөөрөө дагуулсан домог “АВВА” хамтлаг 50 нас хүрч байна.

                      Хоёр эрэгтэй, хоёр эмэгтэйгээс бүрдсэн тус супер хамтлаг 1974 онд Шведийн нийслэл Стокгольм хотод байгуулагджээ. “АВВА” хамтлаг 1972-1983 оны үед идэвхтэй уран бүтээл хийж байсан бөгөөд тухайн цаг үеийнхээ тод өнгө болж дэлхий даяар нийт 375 сая хувь хуурцаг борлуулсан амжилттай байдаг. Түүнчлэн тус хамтлагийн дөрвөн гишүүн хоорондоо гэр бүл болсон бөгөөд “ABBA” дэлхийг байлдан дагуулж байх үед буюу 1971 онд Бьорн, Агнета, 1978 онд Бэнни, Анни-Фрид нар гэр бүл болсон билээ. Гэсэн ч домогт “ABBA”-гийн түүхэн цаг хугацаа удаан үргэлжлээгүй бөгөөд хамтлагийн гишүүн тус бүр хувь уран бүтээлчийн замналаа хөөснөөр хамтлаг тарсан юм.

                      Тэгвэл домогт “АВВА” хамтлагийн 50 жилийн ойг тохиолдуулан тус хамтлагийн дуучин Агнета Фельтскогийн Нидерландын сэтгүүлд өгсөн 1988 оны нэгэн ярилцлагыг хөрвүүлэн хүргэж байна. Тэрбээр тухайн үед Италийн Ром хотод амьдарч байсан бөгөөд “АВВА” хамтлаг тарж, Агнета хувийн уран бүтээлийн ажлаа эхлүүлээд байсан үе аж.

-“АВВА” ЭРГЭН НЭГДЭХИЙГ ҮГҮЙСГЭХ АРГАГҮЙ-

-Саналыг минь эелдгээр хүлээн авч ярилцах болсон баярлалаа. Ярилцлагаа таны Ром хотод өнгөрүүлж буй цаг хугацаа тухай яриагаар эхлүүлье. Ром хот тань хэр санагдаж байна вэ?

                      -Сайхан хот. Би энд байх дуртай. Мөн хөл бөмбөгийн тоглолт үзнэ. Би чинь "Рома" клубийн улаан фэн шүү дээ. Хотынхон намайг их хүндэлдэг шүү.

-Та 1995 онд "Куртёсо" сэтгүүлд өгсөн ярилцлагадаа "Би хэзээ ч уран бүтээлээс хөндийрч чадахгүй гэж байсан. Урлагаас яагаад хөндийрөв?

                      -Дуулна гэдэг хүнээс байнгын бэлтгэл, тогтмол хэмнэл бас хэдэн настайгаас нь ихээхэн хамаарна. Яагаад гэвэл хүний нас явах тусам хоолойны цар хүрээ улам багасдаг. Хэрэв байнгын бэлтгэл хийхгүй л бол хоолойны хэмнэл алдагддаг.

-Тэгвэл дуулна гэдэг наснаас хамаарна гэсэн үү. 70, 80-н настай хүмүүс сайхан дуулсаар байдаг шүү дээ?

                      -Тийм ээ. Таны зөв. Гэхдээ миний дуулдаг хэв загвар төдийлөн нийтлэг биш. Харин тийм өндөр түвшинд дуулж байгаа хүн бол тун цөөхөн. Улс орон бүрт ганц л байгаа болов уу. Тэгэхээр үүнийг байгалиас заяасан бэлэг гэдэг биз дээ.

-Хамтлагийн тухайд ярья. 1982 онд хамтлаг тарахад хэвлэл мэдээллийнхэн янз бүрээр тайлбарлаж байсан. Мөн хамтлагийн гишүүд үүнийг нууцалдаг?

                      -Нууц гэдэг чинь утгагүй. Тарах болсон шалтгаан нь бид хамтран уран бүтээл хийхэд хэтэрхий асуудалтай болсон. Энэ нь бидний хувийн харилцаанаас үүдэлтэй. Нэг жишээ дурдвал, Би Бьёрнтой хайр сэтгэлийн холбоотой болсон ч бидний амьдрал бүтээгүй.

Үүнийг заримдаа эргэн санахад сайхан байдаг шүү. Мөн биднийг 1978 оноос хамтлаг тарах хүртэл хэвлэл мэдээллээр "Хоорондоо хайр сэтгэлтэй боллоо", "Агнета хамтлагаасаа гарахаар шийдлээ" гэх мэтээр бичдэг байв. Бид ч үүнийг төдийлөн тоогоогүй. Бие биедээ хамгаас илүү итгэдэг байлаа. Гэвч хэвлэлийнхний бичсэн ёсоор болсон шүү дээ.

-Үүнийг эргэн дурсахад ямар санагддаг вэ?

                      -Заримдаа хэцүү л байдаг. Хамтлагаараа байсан мөчөө дурсахад тэр цаг хугацаанд буцаад оччихмоор санагддаг шүү.

-Та нар эргээд нийлэх гэж хэд хэдэн удаа оролдсон шүү дээ. Яагаад бүтээгүй вэ?

                      -Бид тарчихаад тус тусын уран бүтээлээ хийхээр "дөрвөн зүг"-т одсон. Үүний дараа 1985 онд Бенни бид гуравт эргэн нэгдье хэмээн хэлсэн юм. Саналыг нь зөвшөөрч Берлин хотын Уйлаш студид дуу бичүүлэхээр тохирсон. Гэсэн хэдий ч таван хоногийн дараа буцаад л тарсан даа. Дараа нь 1990 онд дахин нэгдэж гурван шинэ дуу бичүүлсэн. Тэгсэн хэрнээ хамтлаг дахиад л тарсан.

-Хамгийн сүүлд Шведэд болсон "Мамма Миа" киноны нээлтэд хамтлагаараа байсан байх аа?

-Тийм шүү. Тухайн үед биднийг "Мамма Миа" дуу нэгтгэсэн шүү дээ. Мөн биднийг киноны нээлтэд хүрэлцэн ирэхийг Швед даяар хүсч байсан. Тэр мөч үнэхээр гайхалтай. Бид орой нь хамтдаа зоог барьж, цугларсан олны хүсэлтээр "Мамма Миа" дуугаа нэг л удаа дуулсан.

                      Гэхдээ бидний цуулсныг хэвлэл мэдээллийнхэн мэдээгүй. Учир нь киноны нээлтийн ажиллагаа өдөр болж, жүжигчдийн хүлээн авалт 19.00 цагийн үед дууссан. Бид дараа нь Хостёр гэдэг газар очсон. Тэгэхдээ л дээрх цууг дуулсан юм.

-Дахин тайзнаа гарах хүсэл бий юү?

                      -Миний хувьд байна. Харин тэд надтай адилхан бодолтой байгаа эсэхийг мэдэхгүй юм. Хэрэв хэн нэгэн нь надад санал ирүүлбэл хүлээн авахад бэлэн. Ульвеус хэвлэлд “Бид тайзнаа дахин гарахгүй” гэсэн мэдэгдэл хийсэн байна лээ. Гүүний хувьд ингэж хэлэх хэрэггүй байсан болов уу. Учир нь тэр ч гэсэн "АВВА" дахин нэгтгэхийг хүсэж байгаа.

-Тэгэхээр  хамтлаг нэгдэж магадгүй байх нь ээ?

                      -Боломжгүй асуудал биш. Харин олны хүсэлт шаардлага ихээхэн чухал шүү. Бидний амжилтын оргилд хүрч байх үеийн хүмүүс бүгд үүнийг хүсэж байгаа. Гудамжаар явахад "Хамтлаг дахин нэгдэх үү", “Та нар шүтэн бишрэгчдээ бодооч” гэх мэт хүсэлтүүд иргэд их тавьдаг.

-Та юу гэж хариулдаг вэ?

                      -Би эргэн нэгдэх тухайд ярилцаж байгаа. Төдийлөн шийдвэрт хүрч чадахгүй байна хэмээн хариулдаг. Шууд үгүй гэвэл би болон асууж байгаа хүн маань эвгүй байдалд орно. Хамгийн аймшигтай жишээ бол 1996 онд болсон юм. Тэр үед Алжирын иргэн Иайро бидэнд сар болгон захидал илгээдэг байсан. Захианд "Хэрэв та дөрөв дахин тоглохгүй бол би амиа хорлох болно" шүү хэмээдэг байв.

                      Тухайн үед бид өөр өөрсдийн уран бүтээлээ хийж байсан. Тэгтэл тэр өдрөөс гурван хоногийн дараа Иайрог цагдаагийн ажилтнууд гэрээс нь олж, амиа хорлож нас барсаныг бидэнд мэдэгдсэн юм.

-Харамсалтай хэрэг болж. Иайрогийг гэр бүлийнхэн та нарт ямар нэгэн гомдол ирүүлээгүй юү?

-Үгүй ээ. Харин түүний эхнэр нь Шведэд ирж Аннитай уулзсан гэнэ лээ. Би энэ талаар сайн мэдэхгүй. Хэвлэлээр Иайрогийн эхнэрийг "Их хэмжээний мөнгө нэхэмжилжээ", "Анниг дарамталсан", "Иайрогийн эхнэрт "АВВА" хамтлаг 100 сая ам.доллар өгөхөөр боллоо" хэмээн бичсэн. Үнэндээ түүний эхнэр Аинигаас бидний таван цомгийг л аваад явсан гэнэ лээ. Учир нь цомгуудыг Иайрогийн хамт оршуулсан юм. Энэ мэт жишээ дахин хэзээ ч гарахгүй гэдэгт итгэлтэй байна.

-Та 1997 онд Парист амьдарч байсан. Тухайн үед хэвлэлээр таныг хар тамхи хэрэглэсэн гэх мэдээлэл цацагдсан. Энэ үнэн үү?

                      -Үнэн. Би тэр үед их сэтгэлээр унаж, яах учраа олохгүй хэцүү байсан. Тэгэхдээ хар тамхи хэрэглэж өөрийгөө жаахан ч атугаа тайвшруулдаг байв. Үүнийг сэтгүүлчид мэдчихсэн байна лээ. Гэхдээ би тийм ч удаан хэрэглээгүй. Хоёр сар л болсон. Мөн цагдаагийн газрын нэхэмжилсэн мөнгийг нь төлсөн. Харин дахиж хэзээ ч хар тамхи татаагүй. Бидний үеийг бодвол одоогийн залуучууд их хэрэглэдэг болж. Энэ бол харамсалтай хэрэг.

-Хэрхэн гарсан тухайгаа ярихгүй юу. “АВВА”-гийн туулсан зам залууст хэр үнэтэй сургамж болох бол?

                      -Тэгвэл хүн өөрийгөө маш завгүй байлгах хэрэгтэй. Мөн өөрийгөө шинэчил. Хар тамхи бодогдоод байвал өөр зүйлд ухаанаа зарцуул. Жишээлбэл, ном, зохиол бич. Тэгвэл чи мартана. Энэ бол боломжгүй биш шүү. ДОХ-той хүн эдгэрч байхад хар тамхинаас гарч чадна.

-Та одоо уран бүтээл хийж байгаа юу?

                      -Үгүй дээ. Гурван жилийн өмнө уран бүтээл хийхээ зогсоосон. Миний дуучны замнал өндөрлөсөн. Заримдаа сайн санааны үйл ажиллагаад оролцож, ая дуугаа өргөдөг.

-Цаашид юу хийх вэ?

                      -Шведээс сайн хамтлаг гаргамаар санагддаг. Өөрөөр хэлбэл, "АВВА"-ын залгамжлагчдын илрүүлэх, тэдгээртэй ажиллах хүсэлтэй байна. Биднээс өөр хамтлаг байхгүй шүү дээ. Мөн ДОХ-ын эсрэг хандивын сан байгуулах санаа бий. Гэхдээ үүнийг зүгээр ч нэг байгуулчихдаггүй юм билээ.