Мьянмарын цэргийн удирдагчид төрийн эргэлт хийснээс хэдхэн хоногийн дараа улс даяар фэйсбүүк ашиглах эрхийг хаасан байна. Мьянмарын Харилцаа холбоо, мэдээллийн яамнаас “Фэйсбүүкийг хоёрдугаар сарын 7-ны өдөр хүртэл хязгаарлана” гэв. Албаны хүмүүс олон нийтийн “тогтвортой байдлын” төлөө олон нийтийн сүлжээг хааж байна гэж мэдээлжээ.

Мьянмарын төрийн эргэлт хийхийг эсэргүүцсэн гол цэг фэйсбүүк болсон байна. Иргэд бөмбөр нүдэж, чанга чимээ гарган эсэргүүцлээ илэрхийлж байгаа бөгөөд үүнээс үүдэн эрх баригчид хотод төвлөрөхөөс татгалзаж байгаа аж.

Зэвсэгч хүчний дарга Мин Аун Хлаинг төрийн суудалд 11 цэргийн гишүүн суулгаж, иргэний нийгмийн засаглалыг богино хугацаанд дуусгавар болголоо. Цэргийн хүчнийхэн парламентын сонгуульд луйвар орсон гэж үзэж байгаа боловч Сонгуулийн хорооноос баталгаа байхгүй гэж мэдэгдээд байна. Тэд парлатентад үнэмлэхүй суудал авсан Ардчиллын төлөө үндэсний лиг намыг сонгуулийн үер хууль бус харилцаа холбооны төхөөрөмж ашиглаж, коронавирусийн дүрмийг зөрчсөн хэмээн буруутгаж байгаа аж.

Одоогоор Мьянмарт хичээл, сургууль бүрэн зогссон бөгөөд “Фэйсбүүкийг блоклосон явдал өнөөдрөөс залуучуудын эрхийг хязгаарлаж эхэлж байна гэсэн үг” хэмээн “Ройтерс” агентлаг мэдээлжээ.