Мьянмарын удирдагч, Нобелийн шагналт Аун Сан Су Чи-г баривчилж, цэргийнхэн улс орныг хяналтдаа авчээ. Арваннэгдүгээр сард болсон парламентын сонгуульд Аун Сан Чугийн нам луйвраар ялсан гэсэн маргаанаас үүдэн Засгийн газар, цэргийн хүчнийхний хооронд хурцадмал байдал үүсээд байв. Уг сонгуульд Аун Сан Су Чи-гийн Ардчиллын төлөө үндэсний лиг нам хангалттай суудал авсан боловч олон жилийн дэглэмээ тогтоосон цэргийн хүчнийхэн энэхүү сонгуульд луйвар орсон гэж үзжээ.

Өнөөдөр буюу хоёрдугаар сарын 1-ний үүрээр цэргийнхэн Аун Сан Сун Чи тэргүүтэй Ардчиллын төлөө үндэсний лиг намынхныг баривчилсан бөгөөд энэхүү явдлаас цагийн дараа жилийн хугацаанд улс даяар онцгой байдал зарлажээ. Ирэх даваа гарагт улс төрийн эрх мэдлийг Ерөнхий командлагч Мин Аун Хлаинд шилжүүлнэ гэв. Мөн Мьянмарын томоохон хотуудад утасны сүлжээ, интернет тасалдаад байгаа аж.

Аун Сан Су Чи цагдан хорих байр руу явахдаа “Иргэддээ битгий эсэргүүцээрэй гэж хэлмээр байна. Бүх зүйл хууль ёсны дагуу явагдана гэж итгэж байна” хэмээжээ. Үүний дараа хэд хэдэн хотын дарга нарыг баривчилсан байна.

/Ерөнхий командлагч Мин Аун Хлаин/