ОХУ-ын Ерөнхийлөгч Владимир Путин БНХАУ-ын нийслэл Бээжин хотод айлчлахаар болжээ.

                              Тодруулбал, Ерөнхийлөгч В.Путин энэ сарын 15-16-ны өдөр Бээжинд айлчилж, БНХАУ-ын дарга Ши Жиньпинтэй дээд хэмжээний уулзалт хийхээр болсон байна. Хоёр орны төрийн тэргүүний хувьд энэ удаагийн айлчлалаар сүүлийн жилийн хугацаанд хоёр дахиа уулзаж байгаа бөгөөд Бээжинд болох уулзалтаар ОХУ, БНХАУ-ын эдийн засаг, худалдаа, харилцааны асуудлаар ярилцахаас гадна олон улсын асуудлыг ярилцаж болзошгүй гэнэ. Тухайлбал, АНУ-ын Ерөнхийлөгчийн сонгууль болохоос хэдхэн сарын өмнө уулзаж байгаа ОХУ-ын Ерөнхийлөгч Владимир Путин, БНХАУ-ын дарга Ши Жиньпин нар уулзалтаараа АНУ-д удахгүй болох сонгууль, Вашингтон Газын зурваст Израилын армийг дэмжиж байгаа зэрэг асуудлаар санал солилцох талаар “CNN”-ийн шинжээчид мэдээлсэн байна. Мөн хоёр төрийн тэргүүн Тегераны асуудлыг чухалчлан авч үзэж болзошгүй гэнэ.