БНХАУ-ын Европын холбоотой хийж буй худалдаа, наймааны асуудал хурцдаж байгаатай холбоотойгоор тус улсын дарга Ши Жиньпин Франц Улсад айлчилж байна. Тухайлбал, БНХАУ-ын дарга Ши Жиньпин айлчлалынхаа хүрээнд Францын Ерөнхийлөгч Эммануэль Макрон, Европын комиссын дарга Урсула фон дер Лейен нартай уулзахаар төлөвлөжээ. Айлчлалаар БНХАУ-ын дарга Ши Жиньпин Хятад, Францын худалдааны асуудлыг шийдвэрлэхийг зорих талаа олон улсын хэвлэлүүд мэдээлж буй бөгөөд нөгөө талаас Ерөнхийлөгч Эммануэль Макрон Украины дайнтай холбоотойгоор Ши Жиньпинийг Ерөнхийлөгч Владимир Путинтэй харилцах нөлөөгөө ашиглан ОХУ-тай хэлэлцэхийг хүсэх өндөр магадлалтай байгаа аж.

Ташрамд дурдахад, БНХАУ-ын дарга Ши Жиньпин Францад хийж буй айлчлалынхаа дараагаар Серби, Унгар зэрэг Европын орноор төрийн айлчлал хийх юм байна.