Бүгд Найрамдах Социалист Вьетнам Улсын Ерөнхийлөгч Во Ван Туонг албан ёсоор огцорч байгаа талаар тус улсын Засгийн газраас мэдээлжээ. Тодруулбал, Ерөнхийлөгч асан Нгуен Суан Фук авлигын хэрэгтэй холбоотойгоор огцорсны дараагаар Ерөнхийлөгчөөр томилогдож, ердөө жил гаруйн хугацаанд ажиллаад байсан Во Ван Туонг мөн авлига, албан тушаалын хэрэгт холбогдож, огцрох болсон байна. Улмаар улс төрийн тогтворгүй байдалтай байгаа Вьетнам Улс сүүлийн хоёр жилд хоёр Ерөнхийлөгч ажлаа өгч буй олон улсын хэвлэлүүд онцолжээ.

Ташрамд дурдахад, Вьетнам Улсад Ерөнхийлөгчийн албан тушаал түгээмэл ёслолын шинжтэй бөгөөд улс төрийн шатлалаар эхнээсээ гуравт ордог. Харин улс төрийн шатлалын хувьд хамгийн том албан тушаал нь Вьетнамын Коммунист намыг Ерөнхий нарийн бичгийн дарга бөгөөд өдгөө 79 настай Нгуен Фу Тронг 2011 оноос хойш ажиллаж байгаа аж.