БНТУ-ын Гадаад эдийн засгийн хамтын ажиллагааны байгууллага болох “DEIK”-ийн 39-р Ерөнхий чуулган эхэллээ. Энэ үеэр Монгол Улсаас Турк Улсад суугаа Элчин сайдын бизнесийн олон салбарынхантай танилцаж, Монгол Улстай худалдаа, хөрөнгө оруулалтын чиглэлээр санал солилцов.

    Уг арга хэмжээний үеэр Турк Улсын Ерөнхийлөгч Режеп Тайип Эрдагон  “2002 онд ердөө 36 тэрбум доллар байсан манай бараа бүтээгдэхүүний экспорт 2025 оны байдлаар 273.3 тэрбум доллар болж өссөн. Үүний зэрэгцээ манай үйлчилгээний экспорт 2002 онд 14 тэрбум доллар байсан бол өнгөрсөн жил 122.6 тэрбум долларт хүрсэн гэдгийг цохон тэмдэглэв.

    Туркийн 2002 онд 10 тэрбум доллар байсан дунд болон өндөр технологийн бүтээгдэхүүний экспорт 2025 онд 112 тэрбум долларт хүрсэн. Энэхүү эерэг дүр зураг 2026 онд ч мөн үргэлжилнэ. Турк Улсад суурьшсан гадаадын иргэд болон гадаадад амьдарч буй манай иргэд тодорхой нөхцөлийг хангасан тохиолдолд 20 жилийн турш гадаадад олсон орлогоосоо татвараас чөлөөлөгдөнө.

   Туркийг зөвхөн хөрөнгө оруулалт хийх талбар төдийгүй хөрөнгө оруулалтыг удирддаг, худалдааг хэлбэржүүлдэг, олон улсын хөрөнгийн зах зээлийн “hub” буюу дэлхийн төв болгохоор шийдэж байна гэдгийг Туркийн Ерөнхийлөгч Режеп Тайип Эрдагон онцлов. Мөн Түрк улсыг дэлхийн зах зээлд гаргахад үнэтэй хувь нэмэр оруулсан бизнесийн удирдагчдаа алдаршуулан “Master pioneers award” шагналыг дөрвөн хүнд гардуулав.