Сүхбаатар аймгийн Мөнххаан сумын Баянтэрэм I багийн нутаг, “Наран саран” гэдэг газар хээрийн түймэр гарсан тухай дуудлага өчигдөр буюу есдүгээр сарын 17-ны 16:00 цагт Онцгой байдлын байгууллагад иржээ.

   Тус газар нь аймгийн төвөөс 90 км, сумын төвөөс зүүн хойд зүгт 60 км зайд оршдог байна. Алба хаагчид түймрийг өнөөдөр буюу есдүгээр сарын 18-ны 01:59 цагт цурамд оруулж, 08:43 цагт бүрэн унтраажээ. Түймрийг унтраах ажиллагаанд аймгийн Онцгой байдлын газрын алба хаагчид болон Мөнххаан, Баруун-Урт сумын мэргэжлийн ангийн нийт 89 алба хаагч, 17 автомашин, техник хэрэгсэлтэйгээр ажилласан байна.

   Урьдчилсан байдлаар хээрийн түймэрт 8400 га талбай өртөж, шатсан байна.