БОУАӨ-ийн дэд сайд Б.Мөнхтамир Кени Улсын Байгаль орчин, уур амьсгалын өөрчлөлт, ойн яамны Байгаль орчин, уур амьсгалын өөрчлөлтийн асуудал хариуцсан тэргүүн, нарийн бичгийн дарга, доктор, инженер Фестус Нгено-тэй хоёр талт уулзалт хийлээ. Уулзалтын эхэнд дэд сайд Б.Мөнхтамир “СОР17” бага хуралд Кени Улс өндөр ач холбогдол өгч, идэвхтэй хамтран ажиллаж буйд талархал илэрхийлэв. Байгаль орчин, уур амьсгалын өөрчлөлтийн чиглэлээр хойшид үргэлжлэх бодит хамтын ажиллагаа, түншлэлийг бий болгохыг чухалчилж буйгаа тодотгов.

    Мөн Кени Улс тусгай хамгаалалттай өргөн уудам газар нутаг, цөлжилт болон бэлчээрийн доройтлыг бууруулах, экосистемийг сэргээж байгаа. Тэд байгаль орчныг хамгаалах чиглэлээр манлайллаа харуулж ирсэнийг өндрөөр үнэлж, Монгол Улстай туршлага, мэдлэг солилцох боломжийн талаар санал солилцлоо. Түүнчлэн Монгол, Кени хоёр улс нь газарзүйн хувьд алслагдсан хэдий ч ижил төстэй сорилтуудтай тулгарч байгаа юм.

    Хоёр өөр бүс нутгийн туршлага, үзэл санааг нэгтгэж, газрын доройтол, ганд тэсвэртэй байдал, тогтвортой амьжиргааг дэмжих чиглэлээр ажиллах болмж бий. Хамтын ажиллагааг хурдасгах боломжтой гэж үзэж байгаа бөгөөд цаашид хамтын ажиллагаагаа өргөжүүлэх юм. Яриа хэлэлцээ, туршлага солилцох түвшнээс тодорхой төсөл, хөрөнгө оруулалт, хэрэгжилтийн шат руу шилжинэ гэдэг итгэлтэй байгаагаа илэрхийллээ.