Cудалгаа, инженерчлэлийн үр дүнд бүтсэн Монгол гэрийн 360° уян хатан фотоцахилгаан (PV) дээврийн систем БНХАУ-ын Гуанжоу хотын үйлдвэрт албан ёсоор үйлдвэрлэл, угсралтын шатандаа орлоо. Зарим нэг эд анги frame, easy lock зэрэг дагалдах бүтээгдэхүүний хэв, шийдэл олон дахин өөрчлөгдөж багагүй хугацаа алдсан байна. Энэхүү төслийн патентын эрх албан ёсоор баталгаажих түүхэн өдөр тохиож байгаад маш их догдлож,баярлаж байна

    Энэ нь Монгол Улсад анх удаа монгол гэрийн өвөрмөц хийц, архитектурт зориулан инженерчлэгдсэн, үйлдвэрлэлийн шатанд хүрсэн сэргээгдэх эрчим хүчний томоохон инновацын төсөл юм. Тус систем нь монгол гэрийн дугуй дээврийн бүтцэд бүрэн нийцсэн 360° уян хатан фотоцахилгаан хавтангийн технологи, өндөр үр ашигтай эрчим хүч үйлдвэрлэх шийдэл, хөнгөн жинтэй бүтэц, эрс тэс уур амьсгалд найдвартай ажиллах инженерийн цогц шийдлийг нэгтгэсэн аж. Энэхүү төсөл нь ойрын хугацаанд Монголын зах зээлд их хэмжээгээр нийлүүлэгдэж, Монгол айл өрх бүрийг бие даасан ногоон эрчим хүчээр хангах хамгийн оновчтой шийдэл болгох зорилготой юм.