Өмнөд Солонгосын Шинжлэх ухаан, технологийн хүрээлэн (KIST)-ийн ерөнхийлөгч, доктор Сан Рок О, Солонгосын Геологи, эрдэс баялгийн хүрээлэн (KIGAM)-ийн ерөнхийлөгч Квон И Гюн, БНСУ-ын Шинжлэх ухаан, мэдээллийн технологийн яам (MSIT)-ны газрын дарга Ли Кёнлим, Хван Сонгхун нар Монголд иржээ. Тэд Өмнөд Солонгосын Үндэсний Ассамблейн төлөөлөгчид болон албаны бусад хүмүүсийн хамт Геологийн судалгаа-шинжилгээний төв ТӨҮГ-т хэрэгжиж буй Монгол, Солонгосын Ховор металл боловсруулах судалгааны төвийн үйл ажиллагаатай танилцлаа.

    Зочид төлөөлөгчид тус төвийн лабораторийн хүчин чадал, судалгааны орчин, хэрэгжүүлж буй төсөл, шинжилгээний чиглэлүүдтэй танилцжээ. Мөн ховор металлын судалгаа, дэвшилтэт технологи, шинжлэх ухааны хамтын ажиллагаа. Хүний нөөцийн чадавхыг бэхжүүлэх чиглэлээр цаашид хамтран ажиллах боломж, хөгжлийн зорилтын талаар санал солилцов.

    Хоёр улсын Засгийн газрын дэмжлэгтэйгээр хэрэгжиж буй энэхүү төсөл нь орчин үеийн лабораторийн дэд бүтцийг бүрдүүлэх юм. Монгол Улсад ховор металлын судалгаа, инновац, шинжилгээний чадавхыг шинэ шатанд хүргэж байгаа. Мөн бүс нутгийн хэмжээнд өрсөлдөхүйц судалгааны төв болгон хөгжүүлэх стратегийн ач холбогдолтой болохыг талууд онцлон тэмдэглэлээ.