• Өнөөдөр 2026-08-25

Монголбанк болон Хятадын Ардын Банк хооронд байгуулсан “Үндэсний мөнгөн тэмдэгт солилцох своп хэлцлийн ерөнхий гэрээ”-г сунгалаа

2026-06-26,   366

Олон улсын төлбөр тооцооны банк болон Хятадын Ардын Банкнаас хамтран зохион байгуулсан олон улсын хурлын үеэр Монголбанкны Ерөнхийлөгч С.Наранцогт болон Хятадын Ардын Банкны Ерөнхийлөгч Пан Гун Шэн нар албан уулзалт хийж, хоёр орны Төв банк хоорондын хамтын ажиллагааны өнөөгийн байдал болон цаашдын хөгжлийн талаар санал солилцов.

Уулзалтын үеэр талууд Монгол Улс болон БНХАУ-ын эдийн засгийн нөхцөл байдал, банк санхүүгийн салбарын хамтын ажиллагааны талаар хэлэлцэж, цаашид эдийн засаг, тэр дундаа гадаад худалдаа, түүний санхүүжилт болон төлбөр тооцооны чиглэлд хамтын ажиллагааг гүнзгийрүүлэх, шинээр санаачилсан тодорхой ажлуудын үр дүнг дүгнэж ярилцсан.

Үүний хүрээнд Монголбанк болон Хятадын Ардын Банк хооронд байгуулсан “Үндэсний мөнгөн тэмдэгт солилцох своп хэлцлийн ерөнхий гэрээ”-ний хугацааг 3 жилээр сунгаж, нөхцөлийг сайжрууллаа.

Уг хэлэлцээр нь хоёр орны худалдаа, эдийн засгийн хамтын ажиллагааг дэмжих, санхүүгийн зах зээлийн тогтвортой байдлыг хангахад чиглэсэн бөгөөд нөхцөлийг сайжруулан гэрээг сунгаснаар цаашид дээрх чиглэлүүдээр хамтын ажиллагааг өргөжүүлэхэд бодитой дэмжлэг үзүүлэх чухал ач холбогдолтой юм.

 


Монголбанк болон Хятадын Ардын Банк хооронд байгуулсан “Үндэсний мөнгөн тэмдэгт солилцох своп хэлцлийн ерөнхий гэрээ”-г сунгалаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.