Улсын хэмжээнд нийт хүн амын 30.6 хувь нь вакцины II тунд хамрагджээ

Б. Отгонзаяа:
Ковид-19- Мэдээ мэдээлэл

2021-05-12, 1034

Манай улсад коронавирусийн эсрэг вакцинжуулалт өнгөрсөн хоёрдугаар сарын 24-нд албан ёсоор эхэлсэн билээ. Тэгвэл өчигдөр буюу тавдугаар сарын 11-ний байдлаар улсын хэмжээнд нийт хүн амын 81.2 хувь буюу 1.6 сая иргэн вакцины эхний тундаа хамрагджээ. Харин вакцины хоёрдугаар тунд 631666 иргэн буюу нийт хүн амын 30.6 хувь нь хамрагдсан байна.

Өчигдөр буюу тавдугаар сарын 11-нд нийслэлийн хэмжээнд I тунд 3794, II тунд 1627, нийт 5421 иргэнийг дархлаажуулалтад хамрагдсан билээ.

Дархлаажуулалтын хүрээнд Засгийн газар эхний ээлжинд дөрвөн төрлийн вакциныг Монгол Улсад оруулж ирэх шийдвэр гаргасан. Эдгээрийг дурдвал:

1.Их Британи-Шведийн "AstraZeneca" компани ба Оксфордын их сургуулийн эрдэмтдийн хамтран гарган авсан Ковид-19-ийн эсрэг AZD1222 вакцин

2.АНУ-ын Pfizer компани ба Германы “BioNTech” компанийн хамтран бүтээсэн "BNT162b2" вакцин

3.БНХАУ-ын “Синофарм” компани, Бээжингийн биотехнологийн хүрээлэнгийн хамтран гарган авсан "BBIBP-CorV" вакцин

4. Ковид-19-ийн эсрэг хамгийн анхны вакцин гэгдэх ОХУ-ын “Спутник-V” /Гам-КОВИД-Вак/ вакцин.

Улсын хэмжээнд нийт хүн амын 30.6 хувь нь вакцины II тунд хамрагджээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид