Мексикийн шинэчилсэн мэдээллээр коронавирусийн улмаас нас барсан хүний тоо 60 хувиар илүү буюу 321 мянган хүн нас барсан хэмээн мэдээлжээ. Энэхүү үзүүлэлт нь АНУ-ын дараа буюу нас баралт өндөртэй орны тоонд бичигдлээ.

Мэргэжилтнүүд коронавирусийн улмаас нас барж буй хүмүүсийн бодит тоо нэгтгэсэн тооноос их байгааг анхааруулсаар байжээ. Учир нь Мексикийн олонх мужуудад эмнэлгийн ор хүрэлцээгүйн улмаас олон хүн гэртээ нас барсан байна.

Энэхүү явдалд сөрөг хүчнийхэн Ерөнхийлөгч Андрес Мануэл Лопес Обрадорын цар тахлыг үл тоомсорлож, вакцинжуулалтыг удаашруулсан хэмээн буруутгаж байгаа аж.