Улсын баяр наадмаар бөхийн зүлэг ногоон дэвжээн дээр ёс зүйгүй үйлдэл гаргаж, бичлэг нь цахим орчинд цацагдсан дөрвөн бөхийг цагдаагийн байгууллагаас Зөрчлийн хуулийн дагуу шалгаж эхэлсэн байна. Энэ талаар бид Цагдаагийн ерөнхий газрын Хэвлэл мэдээллийн төвийн ахлах мэргэжилтэн, цагдаагийн хошууч Д.Оюунаас тодруулахад "Бид баяр наадамд барилдахдаа ёс зүйн зохисгүй үйлдэл гаргасан бөхчүүдийг цагдаагийн байгууллагаас шалгаж байгаа. Аймгийн цолтнуудыг аймагт нь, хотод байгааг нь харьяа дүүрэгт нь гээд шалгаж байгаа" гэв.