Эргэлт.мн мэдээллийн сайт Монгол Арт Галерейтэй хамтран “Бүтээх агшин” видео нэвтрүүлгийг хүргэдэг билээ. Энэ удаагийн “Бүтээх агшин” буланд маань сийлбэрч Н.Алтаншагай оролцсон юм.

Тэрбээр Монголд ховордож буй ан амьтдын төлийн дүрийг модоор сийлж, өөрийн анхны бие даасан “ZURA” үзэсгэлэнгээ дэлгээд буй. “Сийлбэрийг Монгол сонгодог гэж боддог” хэмээн ярьсан түүний үзэсгэлэнгийнхээ гадаах талбайд мастерклас хэмээдэг сийлбэрийг хийж, ирвэсийг дүрийг бүтээсэн “Бүтээх агшин”-г хүргэж байна.

Сийлбэрч Н.Алтаншагай 1986 онд Завхан аймагт төрсөн. Тэрбээр 2007-2011 онд Дүрслэх урлагийн дээд сургуульд сурч, төгсжээ. Түүний уран бүтээл, амжилтаас дурдвал,

• 2017  онд  Монголын Урчуудын Эвлэлийн Хорооны “Хавар” үзэсгэлэн
• 2017 онд  Монголын залуу уран бүтээлчдийн “Алтан бийр” үзэсгэлэн
• 2018 онд “Цой 2018” сийлбэрчдийн нэгдсэн үзэсгэлэн
• 2018 онд БНСУ-ын Каннын хотод Монгол-Солонгосын хамтарсан “Солонго” үзэсгэлэн
•  2018 онд ӨМӨЗО-ы Рашаан хотын мөсөн сийлбэрийн “Arxan 2018 Cup” тэмцээнд тэргүүн байр эзэлсэн
• 2019 онд "Их монгол" фестиваль модон баримлын тэмцээний гранпри
• 2019 онд Якут олон улсын цасан баримлын тэмцээнд II байр
• 2019 онд БНХАУ-ын Харбин хотын олон улсын цас, мөсөн тэмцээний
• Нэг мөс төрөлд III байр
• Олон мөс төрөлд II байр
• Цасны төрөлд I байр эзэлжээ.