Дэлхийн эрүүл мэндийн байгууллагад бүртгэгдээгүй вакцин оруулж ирж байгаа гэсэн мэдээллийн дагуу УИХ-ын гишүүн, Эрүүл мэндийн сайд С.Чинзориг тайлбар өглөө.

         Тэрбээр “Дархлаажуулалтын тухай хуульд өөрчлөлт оруулах хуулийн төсөл бол тулгамдсан асуудал бий. Умайн хүзүүний хорт хавдарын өвчлөл манайх дэлхийн дунджаас хоёр дахин өндөр, нас баралт дэлхийн дунджаас 1.5 дахин өндөр, сүүлийн таван жимлийн хугацаанд жил тутам 350 орчим умайн хүзүүний хорт хавдар бүртгэгдэж байсан. Жилд 140 гаруй эмэгтэйчүүд хавдрын улмаас нас барж байгаа гэсэн мэдээ бий. Тиймээс Дархлаажуулалтын тухай хуульд өөрчлөлт оруулж товлолт вакцинд хамруулах шаардлагатай. Бидний оруулж ирж байгаа вакцин Дэлхийн эрүүл мэндийн байгууллагад бүртгэгдсэн гэдгийг хэлмээр байна” гэв.