Боловсрол, шинжлэх ухааны яамнаас өмчийн хэлбэр харгалзахгүй бүх шатны боловсролын, сургалтын байгууллага нь суралцагчийн сургалтын төлбөрт хөнгөлөлт үзүүлэх, дараагийн төлбөрт шилжүүлэх түр журам баталжээ. Энэ талаар БШУ-нысайд Л.Энх-Амгалан албан ёсны цахим хуудаснаа “Цар тахлын үед сургалтын төлбөртэй холбоотойгоор сургууль ямар үүрэг хүлээх, хувьсах зардал хэрхэн олгох талаар хоёр журам гарсныг дахин танилцуулж байна. Дөрөвдүгээр сарын 2-нд гарсан энэ журмыг тухайн үед бүх сургуульд хүргүүлсэн. Энэ журмыг бүгд мөрдөж байгаа гэж ойлгож байна. Хэрэв журам зөрчсөн тохиолдлууд байгаа бол баримттай нь БШУЯ-нд ирүүлнэ үү” гэжээ.

Дээд боловсролын байгууллага:

• Хичээл сонголт баталгаажуулахад урьдчилан төлбөр шаардахгүй, цуцлахгүй байх
• Анги дэвших, төгсөлтийн шалгалт, диплом хамгаалалтад оруулах
• Төлбөрийн уян хатан нөхцөл сар улирлаар төлөх боломжтой байх
• Дотуур байрны төлбөрийг буцаан олгох дараагийн төлбөрт шилжүүлэх

Бусад шатны боловсролын байгууллагуудын дэлгэрэнгүйг доорх мэдээллээс авна уу.