БАКАЛАВР, МАГИСТРЫН ТҮВШИНД ЗАРЛАГДСАН ТЭТГЭЛЭГТ ХӨТӨЛБӨРҮҮД

О. Эрдэнэтунгалаг:
Монголчуудын амьдрал- Боловсрол

2023-08-01, 1632

Хичээлийн шинэ жил эхлэх гэж байгаатай холбогдуулан дотоод, гадаадын тэтгэлэгт хөтөлбөрүүд зарлагддаг билээ. Хүссэн мэргэжлээ эзэмшихээс гадна, амжилттай суралцаж, тэтгэлэгт хөтөлбөрт хамрагдана гэдэг сайхан боломж. Ингээд хичээлийн шинэ жилийг тохиолдуулан зарлагдсан гадаад, дотоодын тэтгэлэгт хөтөлбөрүүдийг танилцуулж байна.

Тэтгэлэгт хөтөлбөрийн ерөнхий̆ шалгуурууд

Тэтгэлэгт хөтөлбөр бүр онцлогоосоо шалтгаалан тавигддаг шаардлага, шалгуур үзүүлэлт нь өөр байдаг. Гэхдээ дийлэнх хувьд нь тавигддаг, гол шалгуур үзүүлэлтийг доор дурдъя.

Суралцах зорилго

Тухайн хүн ирээдүйн том зорилготой̆, тэрхүү зорилгодоо хүрэхэд нь гадаадаас олж авах мэдлэг, боловсрол их чухал гэдгийг итгүүлж, үнэмшүүлэх хэрэгтэй̆. Ихэнх тэтгэлэгт хөтөлбөрүүд яг энэ сэдвээр эсээ бичүүлж авдаг.

Төгссөн сургуулийн үнэлгээ

Ихэнх тэтгэлгийн шалгаруулалтад орсон байдаг нэг зүйл нь тухайн хүн өмнөх сургуулиудаа хэр зэрэг үнэлгээтэй төгссөнийг харах явдал юм. Өөрөөр хэлбэл дунд сургууль, дээд сургуулийг төгссөн дүн их чухал байдаг. Нотолгоо болгож гэрчилгээ болон дүнгийн хуулбаруудыг орчуулж, нотариатаар баталгаажуулсан байх ёстой.

Нийгмийн идэвх, нийгэмд эзлэх байр суурь

Нийгэмдээ үйлчилдэг, бусдад санаа тавьж чаддаг, өөрийнхөө чаддаг зүйлээр нийгэмд, бусдад цаг гаргаж, үйлчилж чаддаг байх нь тэтгэлэгт хамрагдах шалгуурын нэг болдог. Мөн төрөл бүрийн олон уралдаан тэмцээнд оролцож, бусдыгаа манлайлах чадварын үзүүлэлт ч гэсэн тэтгэлэг авахад нөлөөлдөг. Харин магистр буюу түүнээс дээш түвшний̆ хөтөлбөрүүдэд нийгэмд эзлэх байр суурь, мэргэжлээрээ ажилласан жил, судалгаа шинжилгээний̆ бүтээл зэргийг шаарддаг.

БАКАЛАВРЫН ТҮВШИНИЙ ОЮУТНУУДЫН ХАМРАГДАХ ТЭТГЭЛЭГТ ХӨТӨЛБӨР

Дотоодын их сургуульд шинээр элсэн суралцах гэж буй оюутанд ЭЕШ-ын дүн болон нийгмийн идэвх, урлаг, спортынхоо амжилтыг харгалзан үзэж тэтгэлэг олгодог. Тэгвэл дотоодын их сургуулиуд болон жил бүр зарлагддаг тэтгэлэгт хөтөлбөрийг танилцуулж байна.

МУИС

Монгол Улсын их сургууль нь найман бүрэлдэхүүн, гурван салбар сургууль д элсэлт авч мэргэжилтэн бэлддэг.

МУИС-ийн нэрэмжит тэтгэлэг
МУИС-ийн Эрдмийн зөвлөлийн нэрэмжит тэтгэлэг
Монгол Улсын Ерөнхийлөгчийн нэрэмжит тэтгэлэг
Монгол Улсын Ерөнхий сайдын нэрэмжит тэтгэлэг
Докторын сургалтанд суралцаж буй МУИС-ийн багшид зориулсан тэтгэлэг
Монгол судлаач гадаад иргэдийг дэмжих Ц.Дамдинсүрэн, Ш.Лувсанвандан, Б.Ринчен нарын нэрэмжит тэтгэлэг
Япон улсын Сумитомо корпорацийн нэрэмжит тэтгэлэг
Япон улсын Мицибуши Корпорацийн нэрэмжит тэтгэлэг
Япон улсын Мицибуши UFJ Сангийн нэрэмжит тэтгэлэг
БНСУ-ын Поско сангийн нэрэмжит тэтгэлэг
БНСУ-ын Намянжу сангийн тэтгэлэг
Тайваний иргэн Юни Уртагийн нэрэмжит тэтгэлэг
Тайваны Монгол-Төвдийн хорооны тэтгэлэг
Бусад тэтгэлэгүүд

МУИС-д элсэн орсон, сурЧ буй оюутнуудын хамрагдах боломжтой тэтгэлэг https://news.num.edu.mn/?cat=30

МУБИС

Монгол Улсын Боловсролын их сургууль нь долоон бүрэлдэхүүн, хоёр салбар сургууль нийт 50 гаруй мэргэжлээр элсэлт авдаг.

СЭЗИС

Санхүү эдийн засгийн их сургууль нийт 15 мэргэжлээр элсэлт авдаг. Тус сургуулийн ректорын нэрэмжит тэтгэлэг гурав болон аравдугаар сард зарлагддаг.

ХААИС

Хөдөө аж ахуйн их сургууль нь нийт бүрэлдэхүүн зургаан сургууль 49 мэргэжлээр элсэлт авч байна.

Тус сургуулийн жилд нэг удаа захирлын нэрэмжит тэтгэлэг зарладаг. Мөн элсэлтийн ерөнхий шалгалтаа биологи, математик, хими, нийгмийн хичээлээр өгч 650-иас дээш оноо авсан ХААИС-ийн Мал эмнэлгийн сургуульд малын эмч мэргэжлээр элсэх 50 хүртэлх оюутанд эхний хичээлийн жилд 100 хувийн сургалтын тэтгэлэг олгодог.

Их дээд сургуулиудаас гадна хувь хүн болон албан байгууллагууд нэрэмжит тэтгэлэг зарлага. Дийлэнх нь буцалтгүй тэтгэлэг байлаг бол цөөн хувь нь тухайн байгууллагад төгсөөд тодорхой хугацаанд ажиллах гэрээтэй байдаг.
Монгол Улсын Ерөнхийлөгчийн нэрэмжит тэтгэлэг
Тавигдах шаардлага: Дараах үзүүлэлтүүдийг 50-иас дээш хувьтай хангасан суралцагчид Монгол Улсын Ерөнхийлөгчийн нэрэмжит тэтгэлэг олгоно. Үүнд:
Хичээлийн жилийн дөрвөн улирал дараалан голч дүн нь 3.8-аас доошгүй үнэлэгдсэн байх;
Нийгмийн сайн сайхны төлөөх сайн дурын үйл ажиллагаанд тогтмол үр дүнтэй оролцож, зохион байгуулж, олон нийтэд мэдээлэгдсэн байх;
Суралцаж байгаа мэргэжлийн чиглэлээрээ олон улсын болон үндэсний хэмжээнд судалгаа хийж үнэлүүлсэн, шинэ санаа, үр дүнг хэвлэн нийтлүүлсэн, техник технологийн ололт амжилтыг хэрэглээнд нэвтрүүлсэн байх;
Монголын уламжлалт ёс заншил, угийн бичиг хөтлөх болон бусад үйл хэргийг өөрийн амьдралдаа хэвшүүлэн дадлагажуулж бусдад үлгэрлэсэн байх.

Монгол Улсын Ерөнхийлөгчийн нэрэмжит тэтгэлэг

Тавигдах шаардлага: Дараах үзүүлэлтүүдийг 50-иас дээш хувьтай хангасан суралцагчид Монгол Улсын Ерөнхийлөгчийн нэрэмжит тэтгэлэг олгоно. Үүнд:

- Хичээлийн жилийн 4 улирал дараалан голч дүн нь 3.8-аас доошгүй үнэлэгдсэн байх;
- Нийгмийн сайн сайхны төлөөх сайн дурын үйл ажиллагаанд тогтмол үр дүнтэй оролцож, зохион байгуулж, олон нийтэд мэдээлэгдсэн байх;
- Суралцаж байгаа мэргэжлийн чиглэлээрээ олон улсын болон үндэсний хэмжээнд судалгаа хийж үнэлүүлсэн, шинэ санаа, үр дүнг хэвлэн нийтлүүлсэн, техник технологийн ололт амжилтыг хэрэглээнд нэвтрүүлсэн байх;
- Монголын уламжлалт ёс заншил, угийн бичиг хөтлөх болон бусад үйл хэргийг өөрийн амьдралдаа хэвшүүлэн дадлагажуулж бусдад үлгэрлэсэн байх.

Монгол Улсын Ерөнхий Сайдын нэрэмжит тэтгэлэг

Тавигдах шалгуур: Дараах шалгуур үзүүлэлтийг 50-иас дээш хувьтай хангасан суралцагчид Монгол Улсын Ерөнхий сайдын нэрэмжит тэтгэлэг олгоно. Үүнд:щ

Монгол Улсын тэргүүлэх ач холбогдолтой мэргэжлийн чиглэлээр үр ашиг, ач холбогдол бүхий шинэ технологи, бүтээгдэхүүн, материал бий болгон үйлдвэрлэл үйлчилгээнд нэвтрүүлэх шинэ санаачилга гаргасан байх;
Сайн санааны үндсэн дээр нийгмийн сайн сайхны тусын тулд бусдыгаа манлайлан идэвх зүтгэл гаргаж үлгэр жишээ болохуйц ажлыг санаачлан зохион байгуулсан, эерэг өөрчлөлтөөр бусдадаа үлгэр дуурайл болсон байх;
Монгол хэл, соёлын биет болон биет бус өвийг хадгалж хамгаалах үйлсэд хувь нэмэр оруулан түүнийг өвлөн уламжилж, түгээн дэлгэрүүлсэн байх;

Хэзээ бүртгүүлэх: Жил бүрийн дөрөв ба арваннэгдүгээр сарын 15-ны дотор.

“Оюу толгой” компанийН боловсролын тэтгэлэгт хөтөлбөр

Байнга зарладаг тэтгэлэгт хөтөлбөр

Дотоодын тэтгэлэгт хөтөлбөр
Геотехникийн тэтгэлэгт хөтөлбөр
Шинэ төгсөгчийн хөтөлбөр
Залуусын хөгжлийн хөтөлбөр
Говийн Оюу – Оюутны тэтгэлэгт хөтөлбөр

Тэтгэлгийн хэмжээ: Тэтгэлэгт хөтөлбөр бүр өөр өөр бөгөөд сургалтын төлбөр, амьжиргааны зардал, дотуур байрны зардал, дадлага хийх боломж, сургалт болон төсөл хөтөлбөр гэх мэт байна.

ЗОРИГ САН, ШВЕЙЦАРЫН ХӨГЖЛИЙН АГЕНТЛАГТАЙ ХАМТАРСАН ТЭТГЭЛЭГТ ХӨТӨЛБӨР

Тавигдах шаардлага: Дотоодын их, дээд сургуулийн үндсэн ангид диплом, бакалавр зэргээр хоёр буюу түүнээс дээш дамжаанд 3,2 ба түүнээс дээш голч дүнтэй суралцаж буй оюутан байх

Оюутан залуучуудын дунд зохиогддог нийгмийн аливаа үйл ажиллагаанд манлайлан оролцдог, нийгмийн сайн сайхны төлөө бие даан хэрэгжүүлэх өөрийн төслийн санааг боловсруулсан байх

Тэтгэлгийн давуу тал: Төсөл санаачлан бичих, хэрэгжүүлэх туршлагатай болгох,

Багаар ажиллах чадварыг нэмэгдүүлэх

Хөтөлбөрийн явцад дөрвөн удаагийн сургалтад хамруулан оюутнуудын ур чадварыг дээшлүүлэх,

Оюутнуудын нийгмийн идэвх, оролцоог нэмэгдүүлэх,

Сурах хүсэлтэй байгаа оюутнуудыг урамшуулах, дэмжих

Хэзээ бүртгүүлэх: Жил бүрийн есөн сард зарлагддаг

ХААН Банкны нэрэмжит “Шинэ оюутны тэтгэлэгт хөтөлбөр”

Тавигдах шаардлага: 2022 онд дунд сургуулиа дүүргэн бүрэн дунд боловсрол эзэмших 12-р ангийн сурагч байх;

Сурлагын голч дүн нь “B” буюу 85%, түүнээс дээш байх;
11-12-р ангидаа улс, аймаг, хотын олимпиад болон уралдаан тэмцээнд амжилт гаргасан эсвэл анги
хамт олноо хошуучлан оролцсон байх гэх мэт.

Тэтгэлгийн хэмжээ: Нэг сая төгрөг

Бадраа сангийн тэтгэлэг

Тавигдах шаардлага: МУИС-ийн Бизнесийн сургууль, Нийгмийн ухааны салбарын Эдийн засгийн анги болон СЭЗИС-ийн өдрийн ангийн 2, 3-р курсын оюутан байх.

Суралцсан хугацааны голч дүн 3.2 болон түүнээс дээш байх
Сангийн үйл ажиллагаанд идэвхтэй оролцож, найз нөхдийн хамт сурч хөгжих чин хүсэл эрмэлзэлтэй байх

Тэтгэлгийн хэмжээ: Сургалтын бүтэн төлбөрийн тэтгэлэг.

Монголын Урлагийн Зөвлөлийн "Ирээдүйн авьяастан" сургалтын тэтгэлэгт хөтөлбөр

Тавигдах шаардлага: Хөтөлбөрт хамрагдагч нь хоёрдугаар курсыг дүүргэсэн оюутан байх

Оюутны улирлын голч дүн 3-аас дээш байх байх
Тухайн оюутан сурагч нь авьяастай, цаашид мэргэжлийн ур чадвараа дээшлүүлэн, мэргэжлээр дэвшин суралцах хүсэл эрмэлзэлтэй, нийгмийн идэвхтэй байх
Өрхийн орлогыг харгалзан сонгон шалгаруулалтад оролцуулах

Тэтгэлгийн хэмжээ: Сургалтын төлбөрийн тэтгэлэг, Урлагийн боловсролыг хөгжүүлэхэд оюуны хөрөнгө оруулалт

JCI Монгол байгууллагын тэтгэлэг

Тавигдах шалгуур: Их дээд сургуулийн нэгдүгээр курсэд элсэн суралцаж байх

Өөрийн мэргэжлээрээ идэвхтэй, сайн суралцаж, шилдэг мэргэжилтэн болж нийгэмдээ эерэг өөрчлөлтийг бий болгох хүсэл тэмүүлэлтэй байх

Тэтгэлгийн хэмжээ: Сургалтын төлбөр

ГАДААДЫН БАКАЛАВР, МАГИСТР, ДОКТОРЫН ХӨТӨЛБӨРТ ЗАРЛАГДСАН ТЭТГЭЛЭГТ ХӨТӨЛБӨР

Жил бүрийн гадаадын тэтгэлэгт хөтөлбөрийн талаар албан ёсны мэдээллийн Боловсрол, шинжлэх ухааны яамнаас авах боломжтой. Гадаадын тэтгэлэгт хөтөлбөр жил бүрийн 1-6 сарын хооронд зарлагддаг. Тэтгэлэгт хөтөлбөрийн талаар дараах холбоосоор мэдээлэл авах боломжтой.

https://www.meds.gov.mn/study-abroad?category_id=11453

Гадаадад их дээд сургуулиудад суралцахдаа анхаарах хамгийн эхний зүйл бол сургалтын виз билээ. Дийлэнх сургуулиуд сургалтын визийг зуучилж өгдөг. Харин визний талаарх дэлгэрэнгүй мэдээллийн энд дарж авах боломжтой.

ЖИЛ БҮР ЗАРЛАГДДАГ ГАДААДЫН ТЭТГЭЛЭГТ ХӨТӨЛБӨРҮҮД

BRITISH CHEVENING SCHOLARSHIPS FOR INTERNATIONAL STUDENTS

Товч танилцуулга: Энэхүү тэтгэлэг нь Их Британи дахь их сургуулиудад бакалавраас дээш түвшинд суралцах олон улсын шилдэг манлайлагч оюутнуудад олгогддог. Энэ хөтөлбөрт хамрагдсанаар Их Британийн аль ч их сургуульд хүссэн мэргэжлээрээ бакалавраас дээшхи сургалтанд (ихэвчлэн нэг жилийн магистр) суралцахад бүтэн эсвэл хэсэгчилсэн тэтгэлэгийг өгдөг.

Суралцах газар: Их Британи дахь аль ч сургууль байж болно.

Суралцах чиглэл: Өөрийн хүссэн ямар ч чиглэл байж болно.

Тавигдах шаардлага:

Чэвенингийн сонгогдсон орнуудын иргэншилтэй байх (Монгол улс багтсан)
Бакалаврын зэрэгтэй ба голч дүн нь 3.33-с дээш байх
2 ба түүнээс дээш жил ажилласан ажлын туршлагатай байх
Их Британийн их сургуулиудад (3 өөр курсэд) суралцахаар хүсэлт гаргах ба дор хаяж нэг сургуулиас суралцах санал авсан байх
Өмнө нь Их Британийн засгийн газрын тэтгэлэгээр суралцаж байгаагүй байх
Англи хэлний мэдлэг дараах шаардлагыг хангасан байх

IELTS : Ерөнхий оноо - 6.5 (Хэсэг тус бүрийн минимум оноо 5.5)
Pearson PTE Academic: Ерөнхий оноо – 58 (Хэсэг тус бүрийн минимум оноо 42)
TOEFL iBT : Ерөнхий оноо - 79 , Хэсэг тус бүрийн минимум оноо: Listening - 17, Reading - 18, Speaking - 20, Writing - 17

JAPANESE GRANT AID FOR HUMAN RESOURCE DEVELOPMENT SCHOLARSHIP (JDS) PROGRAM

Товч танилцуулга:

Хүний нөөөцийг чадавхжуулах Японы тэтгэлэгт хөтөлбөр /JDS/ нь Англи хэл дээр Японы их дээд сургуулиудад Магистрийн 2 жилийн курсэд суралцахад олгодог. Тус хөтөлбөрийн гол зорилго нь “Нийгэм эдийн засгийг хөгжүүлэх төлөвлөгөөний бодлого боловсруулалт болон хэрэгжилтэд гар бие оролцож, цаашдаа эх орныхоо удирдагч нь болохуйц шилдэг залуу төрийн албан хаагчдыг сургаж, хүний нөөцийн хөгжлийг дэмжихэд оршино.

Суралцах чиглэл: Тэтгэлэгт хөтөлбөр нь бүхий л мэргэжлийн хувьд хүчинтэй.

Тэтгэлгийг олгогч: JDS-ийн Японы Засгийн Газар ODA буюу Японы татвар төлөгчдийн мөнгөөр бүрдсэн Албан ёсны хөгжлийн тусламжаар дамжуулан олгодог. Тэтгэлэг Япон улсад суралцахад хүчинтэй.

Тавигдах шаардлага:

Мьянмар, Узбекстан, Киргиз, Вьетнам, Бангладеш, Монгол, Тажикстан, Канбож болон Лаос орны иргэн байх,
Мьянмар болон Киргиз улсын иргэдийн хувьд 22-40 настай, Узбекстан, Монгол, Тажикстан, Канбож болон Лаос орны иргэд 22-39 настай, Вьетнам улсын иргэд 24-39 настай байх,
Бакалавр зэрэгтэй байх,
Англи хэлний бичгийн болон ярианы чадвартай байх,
Хамгийн багадаа TOEFL-500 оноо болон түүнтэй дүйцэхүйц оноотой байх,
Оюуны болоод биеийн эрүүл мэнд сайн байх.

Тэтгэлгийг олгох хугацаа: Тэтгэлэг нь Японд Магистрийн зэрэг хүртэх хоёр жилийн туршид хүчинтэй байна.

Тэтгэлэгийн хэмжээ: Агентлагаас дараах асуудлууд дээр тусалж өгнө.

Сургалтын бүрэн тэтгэлэг;
Нэг талын онгоцны зардал;
Ирэх зөвшөөрөл;
Байр сууцны зөвшөөрөл;
Сар бүрийн мөнгөн тэтгэлэг;
Ном худалдан авах нэмэлт зөвшөөрөл;
Усан онгоцоор ачаа явуулах нэмэлт зөвшөөрөл;
Жуулчлах нэмэлт зөвшөөрөл;
Далайн аяллын даатгал;
Амьдрах байр олох.

Сонгон шалгаруулах шалгуур:

Ерөнхий шалгууруудыг хангаж буй бүхий л нэр дэвшигчид эрх тэгш шалгуураар сонгон шалгаруулалтанд оролцоно. Хамгийн гол нь судалгааны ажилын төлөвлөгөө, суралцах хүсэл эрмэлзэл зэргийг харгалзана.

Нэмэлт шаардлагууд:

Суурь математикийн чадваруудтай байх:
1-1-2-ийн хувьд Инженерийн бакалаврын дипломтой байх
Өргөдөл гаргах эцсийн хугацаа хүртэл хоёр жил ажилласан туршлагатай байх
Англи хэлний бичгийн болон ярианы чадвартай
TOEFL-500 / IELTS 5.5 болон үүнтэй дүйцэхүйц оноотой байх
Оюуны болоод биеийн хувьд эрүүл саруул байх
JDS-ийн тэтгэлгийг хүртэгч нь сургуулиа төгсөөд Монгол улсдаа хамгийн багадаа хоёр жил ажиллаж эх орныхоо хөгжил цэцэглэлтэд хувь нэмэр оруулах

CHINESE GOVERNMENT SCHOLARSHIP – CHINESE UNIVERSITY PROGRAM” OF ZHEJIANG UNIVERSITY

Товч танилцуулга:БНХАУ-ын засгийн газрын тэтгэлэг БНХАУ-ын их сургуулийн хөтөлбөр нь БНХАУ-ын Боловсролын яамнаас зохион байгууллагддаг. БНХАУ-ын дээд боловсролыг дэмжих, олон улсын түвшинд хөгжүүлэх гол зорилготой тэтгэлэгт хөтөлбөр юм. Уг тэтгэлгийн эрх бүхий хамтран ажилладаг их сургууль нь “Жежианг” их сургууль юм.

Суралцах газар: БНХАУ, ЖЕЖИАНГ их сургуулийн, БНХАУ-ын засгийн газраас санхүүждэг Магистр болон Докторын зэрэг олгох хөтөлбөр юм.

Суралцах чиглэл: Бүх салбар
1. Магистрын зэрэг: 2-3 жил
2. Докторын зэрэг 3-4 жил
Хэрэв өргөдөл гаргагч нь Хятад хэлтэй хөтөлбөр сонгож байгаа бол хятад хэлэндээ сайн байх шаардлагатай. Хэрэв сайн биш бол нэг жил хэлний бэлтгэлд сурах шаардлагатай. Уг хэлний бэлтгэл хийх төлбөрийг мөн адил тэтгэлэгт оруулдаг.

Зорилтод бүлэг: БНХАУ-ын иргэдээс бусад улсын иргэд

Тэтгэлгийн хэмжээ:

Бүртгэлийн хураамж, сургалтын төлбөр, номын сангийн төлбөр, дадлага хийх төлбөр, үндсэн сурах бичгийн төлбөрийг 100% чөлөөлдөг.
Оюутны хотхонд үнэ төлбөргүй байрших.
Амьдрах зардлыг тухайн үеийн ханшид тохируулан өгдөг.
Эрүүл мэндийн даатгал болон осол, эмнэлэг, эм тарианы даатгалд хамруулах.
Бусад тэтгэмжийг мөн өгдөг.

Тавигдах шаардлага:

Өргөдөл гаргагч нь БНХАУ-ын иргэн биш байх ба эрүүл мэнд сайтай байх,
Өргөдөл гаргах үедээ БНХАУ-ын аль нэгэн их суругуульд бүртгэгдээгүй байх,
Магистрын хөтөлбөрт хүсэлт гаргаж байгаа бол баклаврын дипломтай байх ба 35 наснаас доош настай байх, докторын хөтөлбөрт хүсэлт гаргаж байгаа бол магистрын дипломтой байх ба 40 наснаас доош настай байх,
Судалгаа хийх чадвартай байх,
Өөр ямар нэгэн тэтгэлэгт хамрагдаагүй байх,
Хэлний чадвар: Хятад хэл дээр хөтөлбөрт (Түүх, уран зохиол, боловсрол, хууль) хүсэлт гаргавал:
HSK-гийн тавдугаар түвшингээс дээш байх,
Англи хэл дээрх хөтөлбөрт хүсэлт гаргавал TOEFL IBT-ын 90 оноотой, IELTS 6.5 оноотой байх.

ISTANBUL UNIVERSITY SCHOLARSHIP

Товч танилцуулга: Энэ сургууль нь Турк улсын их сургуулиудын тэргүүлэх жагсаалтад тавдугаарт бичигддэг. Туркын засгийн газрын тэтгэлэгт бүртгүүлэхдээ сонгох 15 их сургуулийн тоонд багтаж, хэрвээ энэ сургуульд элсэх зөвшөөрлөө авбал “Туркын засгийн газрын тэтгэлэг” болон Istanbul их сургуулийн тэтгэлэгийг зэрэг авах боломжтой.

Суралцах газар: Istanbul их сургууль, Istanbul хот

Суралцах чиглэл: Тухайн сургуулиас санал болгодог бүх чиглэл

Тэтгэлэгийн хэмжээ:

Сургалтын төлбөр
Байр, хоолны зардал,
Амьжиргааны зардал,
онгоцны тиз болон бусад эрүүл мэндийн үйлчилгээг бүрэн хангаж төлөх болно.

Тавигдах шаардлага:

1. Бакалавраар сурахыг хүсэгчдэд тавигдах шаардлага :

Туркаас өөр орны иргэн байх
Туркын өөр их дээд сургуулиуд нэг түвшингээр бүртгүүлээгүй байх
Ахлах сургуулиа төгссөн эсвэл энэ жилдээ багтаагаад төгсөх гэж байх
21-ээс доош насны байх
Эрүүл байх

2. Магистр болон докторын чиглэлээр сурахийг хүсэгчдэд тавигдах шаардлага:

Туркаас өөр орны иргэн байх
Туркын өөр их дээд сургуулиудад нэг түвшингээр бүртгүүлээгүй байх
Магистрүүд нь 30 наснаас доош байх
Доктор нь 35 наснаас доош байх
Хамгийн багадаа дундаж оноо нь 75-аас багагүй байх эсвэл дипломын дүн 75-аас доошгүй. Олон улс болон тухайн улсынхаа элсэн орох тестэнд хамгийн багадаа 75 хувийн амжилттай байх
эрүүл байх

Туркын их, дээд сургуулиуд нь өөр өөр олон улсын албан ёсны тестний оноог (IELTS, TOEFL iBT) шаарддаг тул өргөдөл гаргах үедээ элсэхийг хүссэн сургуулийнхаа босго оноог шалгаарай.

БАКАЛАВР, МАГИСТРЫН ТҮВШИНД ЗАРЛАГДСАН ТЭТГЭЛЭГТ ХӨТӨЛБӨРҮҮД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.