Нийслэлийн Онцгой комиссын мэдээллийн үеэр Нийслэлийн боловсролын газрын мэргэжилтэн Ж.Батбилэг сургууль,цэцэрлэгийн халдварын талаарх мэдээллийг өглөө. Тэрбээр “Сургуулиудын халдварын тархалт тогтворжиж, буурах хандлагатай байна. Өнөөдрийн байдлаар хоёр сургууль, таван цэцэрлэг 100 хувь цахимд шилжсэн. Мөн 53 багш, 37 ажилтан албан хаагч, 153 хүүхэд халдвар авсан.

Мөн Боловсрол шинжлэх ухааны яамны сайд болон Эрүүл мэндийн сайд нарын хамтарсан тушаалын хүрээнд хичээл сургуулийн үйл ажиллагаа явуулах түр журам хэрэгжиж байгаа. Тус журамд биеийн тамирын хичээлийг дулааны улиралд, сургуулийн гадна талбайд, тухайн өдрийн хичээлийн сүүлийн цагт оруулах талаар тусгасан. Иймд гадаа хүйтэрснээс үүдэн сургуулиуд биеийн тамирын хичээлийг цахим хэлбэрээр зохион байгуулж байна.

Мөн хичээлийн үр дүнтэй хичээлийн үр дүнгээс хамааран багшид урамшуулал олгоно. Одоогоор 2-3 настай хүүхдийг цэцэрлэгт явуулах тухай албан мэдээлэл гараагүй. Халдвар авч нас барсан багшийн тухайд бидэнд одоогоор тодорхой мэдээлэл ирээгүй  байна" гэв.