Боловсрол шинжлэх ухааны яамнаас ирэх жил өргөө цэцэрлэг, хүрээ сургуулийн цогцолбор байгуулах ажилд ач холбогдол өгч ажиллана хэмээн тус яамны сайд Л.Энх-Амгалан мэдээллээ. Тодруулбал, хүн амын нягтаршил ихтэй, төрийн өмчийн сургууль, цэцэрлэггүй хороодод  өргөө цэцэрлэг, хүрээ сургуулийг барихаар төлөвлөжээ.

Өөрөөр хэлбэл, гэр хороололд сургууль, цэцэрлэгийн цогцолбор байгуулахаар ажиллаж байгаа аж. Ингэснээр цэцэрлэг, сургуулийн хүртээмж нэмэгдэнэ гэж үзэж байгаа бөгөөд цаашлаад томоохон хорооллын орон сууцны нэгдүгээр давхрыг  цэцэрлэг, бага сургууль болгох төлөвлөгөөтэй байна.