2022 оны улсын төсвийн төслийн УИХ-аар хэлэлцүүлж буй. Үүнтэй холбоотой Засгийн газрын сайд нар төсвийн асуудлаар мэдээлэл хүргэж байгаа юм. Өчигдөр Сангийн сайд Б.Жавхлан, Боловсрол шинжлэх ухааны сайд Л.Энх-Амгалан, Хүнс хөдөө аж ахуйн сайд З.Мэндсайхан нар мэдээлэл өглөө.

Энэ үеэр Боловсрол шинжлэх ухааны сайд Л.Энх-Амгалан  боловсролын салбарт шинэчлэл хийх бөгөөд төрийн өмчийн зургаан их дээд сургуулийн хөтөлбөрийг нэгтгэж, нэгдсэн хөтөлбөртөө болгох гэж байгаа гэлээ. Тэрбээр "Төрийн өмчит зургаан их дээд сургуулийг  МУИС-тай нэгтгэж, кредит давхцалгүй болгоно. Ингэснээр бие биетэйгээ өрсөлдөхгүй, шилдэг мэргэжилтнүүдийг бэлтгэх юм. Жишээ нь төрийн өмчид байдаг зургаан их дээд сургуульд нэг ижил хичээлийг өөр өөр газар заахгүй гэсэн үг. 

МУИС, МУБИС, ХААИС гээд бүгд түүхийн анги нээгээд байдаг энэ тогтолцоог хална. Цаашдаа их сургуулиуд сайн профессор, сайн хөтөлбөрийн араас хөөцөлддөг болно. Жишээ нь тухайн оюутан МУБИС-т сурдаг. Гэхдээ түүхийн хичээл үзэх гэж байгаа бол, хамгийн сайн түүх зааж байгаа багшийн хичээлийг өөрөө сонгож суралцана. Их дээд сургуулиуд кредитээ солилцсоноор энэ жишиг тогтоно.