“Энхсаран” сувилалд тусгаарлагдаж байх үедээ худал мэдээлэл тараасан хэмээн буруутгаж, иргэн Д.Мөнхбатад Цагдаагийн байгууллагаас Зөрчлийн тухай хуулийн  5.13 дугаар зүйлийн нэг дэх хэсэгт заасны дагуу 500 мянган төгрөгөөр торгох  арга хэмжээ авсан.

Уг шийтгэлийг иргэн Д.Мөнхбат эс зөвшөөрч  Хан-Уул  дүүргийн  Эрүүгийн хэргийн анхан шатны шүүхэд гомдол гаргасныг  шүүх хүлээн өнөөдөр хянан хэлэлцлээ. Шүүхээс “Д.Мөнхбатыг Үндсэн хуулиар олгогдсон үзэл бодлоо чөлөөтэй илэрхийлэх болон хэвлэн нийтлэх эрхээ эдэлсэн  төдийгүй  Солонгос Улсаас  эрүүл ирээд  Энхсаран сувилалд 21  хоног тусгаарлалтад байх явцдаа коронавирусээр өвчилж хохирсон тухайгаа өөрийн цахим хуудсаар нийтэд мэдээлэл тавьсаныг хууль зөрчсөн гэж үзэх боломжгүй”  гэж  дүгнээд  түүнд ногдуулсан 500 мянган төгрөгөөр торгох шийтгэлийн хуудсыг хүчингүй болгожээ.