Дархан-Уул аймгийн Дархан сумын 13 дугаар багийн “Их сургууль”-ийн VI гудамжинд бага насны хүүхэд гурван метр гүн ухсан нүхэнд унасан тухай дуудлага Онцгой байдлын газарт өчигдөр буюу зургадугаар сарын 3-ны 20:12 цагт бүртгэгджээ.

Тодруулбал, тус сумын харъяат Ө гэх дөрвөн настай эрэгтэй хүүхэд гурван метр гүн ухсан нүхэнд унасан байжээ. Дархан-Уул аймгийн Онцгой байдлын газрын алба хаагчид дуудлагын дагуу тус өдрийн 20:17 цагт очиж, хүүхдийг эсэн мэнд гаргажээ. Улмаар тус аймгийн Нэгдсэн эмнэлэгт хүргэж өгсөн байна.