Тээврийн цагдаагийн албанд өнгөрсөн тавдугаар сарын 31-нээс энэ сарын 3-н хүртэл бүртгэгдсэн дуудлага мэдээллийг тоймлон хүргэе.

            Тээврийн цагдаагийн албаны Жижүүрийн шуурхай удирдлагын хэлтэс өнгөрсөн тавдугаар сарын 31-нээс зургадугаар сарын 3-ны өдрүүдэд нийт  1090 дуудлага мэдээлэл хүлээн авснаас зам тээврийн ослын шинжтэй  812 дуудлага мэдээлэл бүртгэгджээ.

Бүртгэгдсэн зам тээврийн ослын улмаас нийслэлд 26, орон нутагт ес хүн гэмтэж, орон нутагт гурав, нийслэлд хоёр хүний амь хохирсон байна.

Хүн гэмтсэн ослыг хэлбэрээр нь авч үзвэл:

 Нийслэлд:

• Явган зорчигч автомашинд мөргүүлэх хэлбэрээр-найм
• Автомашин мөргөлдөх хэлбэрээр зорчигч-11, жолооч-нэг
• Автомашин мотоциклтой мөргөлдөх хэлбэрээр жолооч-хоёр
• Унадаг дугуйтай хүүхэд автомашинд мөргүүлэх хэлбэрээр-дөрөв тус тус гэмтсэн.

Орон нутагт:

• Явган зорчигч автомашинд мөргүүлэх хэлбэрээр-гурав
• Мотоцикл онхолдох хэлбэрээр жолооч-дөрөв
• Автомашин онхолдох хэлбэрээр зорчигч-хоёр тус тус гэмтсэн.

Хүний амь хохирсон осол:

            2021 оны тавдугаар сарын 31-ний өдрийн 21:00 цагийн орчим Говь-Алтай аймагт,  автомашин онхолдож, зорчигчийн амь хохирсон.

            2021 оны тавдугаар сарын 31-ний өдрийн 21:00 цагийн орчим Дорнод аймагт автомашин мотоцикл хоёр мөргөлдөж, мотоциклын жолоочийн амь хохирсон.

            2021 оны зургадугаар сарын 1-ний өдрийн 13:00 цагийн орчим Сүхбаатар аймагт суудлын автомашин онхолдож, зорчигчийн амь хохирсон.

            2021 оны зургадугаар сарын 3-нд 23:00 цагийн орчим СХД-т хоёр автомашин мөргөлдөж, зорчигчийн амь хохирсон.

            2021 оны зургадугаар сарын 4-ны 03:00 цагийн орчим СХД-т явган зорчигч автомашинд мөргүүлж, амь хохирсон.

Мөн гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон Нийслэлд 149, Орон нутагт 110, Улсын хэмжээнд  259 зөрчлийг тус тус илрүүлж, учирч болох эрсдэлээс урьдчилан сэргийлэн ажилласан.

Жолооч ТА бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  явган зорчигчид зам тавьж өгч байх,  явган зорчигч та бүхэн гарц, гарамтай хэсгээр зам гарах, бага насны хүүхдийг харгалзах хүнгүй замын хөдөлгөөнд оролцуулахгүй байх, автомашинд тээвэрлэж явахдаа зориулалтын хамгаалалтын суудалд суулгаж тээвэрлэх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэхгүй байхыг ЦАГДААГИЙН БАЙГУУЛЛАГААС АНХААРУУЛЖ БАЙНА.

ТЭЭВРИЙН ЦАГДААГИЙН АЛБА