Төв аймгийн Сэргэлэн сумын нутаг, Улаанбаатар-Хөшигийн хөндийн олон улсын шинэ нисэх онгоцны буудал чиглэлийн 32.2 км хурдны автозам тавьсан. Тус зам хоёр жилийн өмнө ашиглалтад орсон ч тээврийн хэрэгсэл огт зорчоогүй юм. Гэвч автозам дагуу 115 сантиметр урт цууралт үүсээд байгаа юм. Энэ талаар Зам тээврийн хөгжлийн яамны Автотээврийн бодлогын хэрэгжилтыг зохицуулах газрын ахлах мэргэжилтэн Д.Загдраднаа “Улаанбаатараас Хөшигийн хөндий чиглэлийн 32.2 км замыг БНХАУ-ын хөнгөлөлттэй зээлээр тавьсан. 2015 онд гэрээ байгуулж, 2016 онд зам тавих ажил эхэлсэн. Улмаар 2019 оны есдүгээр сард ашиглалтад оруулж, улсын комисст хүлээлгэж өгсөн. Коронавирусийн халдвартай холбоотойгоор өнөөдрийг хүртэл ашиглаагүй байна. Тус замын ирмэгээс 3.5 метрт 115 сантиметр дагуу хагарал үүссэн. Энэ бол зам барилга, технологитой холбоотой асуудал.

Өнгөрсөн жилээс эхлэн нарийн хагарал үүсч эхэлсэн. Үүнийг гүйцэтгэгч компани нөхөөс хийж, засварласан. Гэвч хагарлын хэмжээ нэмэгдэж, дахин засвар хийх шаардлагатай болсон

Гүйцэтгэгч болон төслийн зөвлөх компани газар дээр нь очиж ажилласан. Зам тээврийн яам, Зам тээврийн хөгжлийн төв, гүйцэтгэх болон зөвлөх компаниас ажлын хэсэг байгуулагдан, дүгнэлт гаргахаар ажиллаж байна. Урьдчилсан дүгнэлт одоогоор гараагүй байна. Өнгөрсөн жилээс эхлэн нарийн хагарал үүсч эхэлсэн. Үүнийг гүйцэтгэгч компани нөхөөс хийж, засварласан. Гэвч хагарлын хэмжээ нэмэгдэж, дахин засвар хийх шаардлагатай болсон. Энэ бол гүйцэтгэгч компанийн 100 хувь буруу. Тийм учраас засвар хийх зардал, төсвийг гүйцэтгэх компани гаргах ёстой. Энэ асуудалд Засгийн газар ямар нэгэн хохирол амсахгүй” гэлээ.