Баянзүрх дүүргийн 22 дугаар хорооны нутаг “Скай резидэнс-2” хотхонд гал гарчээ. Энэ тухай дуудлага мэдээлэл өчигдөр орой 20:34 цагийн үед Онцгой байдлын газарт бүртгэгдсэн байна. Дуудлагын дагуу Онцгой байдлын хэлтсийн Гал түймэр унтраах, аврах 63 дугаар ангийн алба хаагчид гурван км зам туулан 20:41 цагт очиход тус байрны хогийн цэг болон 16 давхар байрны 1-10 давхар хүртэлх гадна талын дулаалгын хөөсөнцөр шатсан байжээ. Галын улмаас бэртэж гэмтсэн хүн байхгүй бөгөөд  Онцгой байдлын алба хаагчид галыг 15 минут ажиллаж унтраасан байна.

Онцгой байдлын ерөнхий газарт өчигдөр бүртгэгдсэн дуудлага мэдээллээс харвал галын тухай гурван дуудлага ирүүлжээ. Гал түймэр, зам тээвэр, усны ослоор хүний амь эрсдээгүй байна.