Монгол улсад Худалдааны салбар үүсч хөгжсөний 100 жилийн ойг тохиолдуулан тус салбарын төлөөлөл болсон залуус мод тарих аянд нэгдлээ. Тус аянд И-Март сүлжээ дэлгүүрийн  хамт олон нэгдэж Үндэсний цэцэрлэгт хүрээлэнд мод суулгаж, хувь нэмрээ оруулсан байна.

Өмнө нь мод тарих өдрөөр И-Март сүлжээ дэлгүүр ажилчдынхаа хүүхдийн тоогоор хүүхэд бүрд хоёр ширхэг мод нийт 2000 гаруй мод, БЗД-ийн 21 дүгээр хорооны 60 өрхийн хашаанд шинэст нэг ширхэг, чацаргана эр нэг ширхэг, эм хоёр ширхэг, улаалзгана нэг ширхэг, тэхийн шээг нэг ширхэг нийт зургаан багц 360 ширхэг мод амжилттай суулгасан билээ.

Ойн тухай хуулийн 31-р зүйлд зааснаар МУ-ын 16 насанд хүрсэн иргэн бүр нэг, аж ахуйн нэгж, байгууллага таваас доошгүй мод тарьж ургуулах, услах, арчлах үүрэгтэй гэж заасан байдаг. Тэгвэл энэ үүргээ хэд дахин давуулан биелүүлж буй И-Март сүлжээ дэлгүүрийн хамт олон бусад аж ахуйн нэгж, иргэдэд мод тарихыг уриаллаа.