Тээврийн цагдаагийн албанд тавдугаар сарын 10-13-нд бүртгэгдсэн хоногийн мэдээг тоймлон хүргэж байна.

       Тээврийн цагдаагийн албанд энэ сарын 10-13-нд нийт 958 дуудлага, мэдээлэл бүртгэгджээ. Үүнээс зам тээврийн ослын шинжтэй 654 дуудлага бүртгэгдсэн байна. Ослын улмаас нийслэлд 17, орон нутагт есөн хүн гэмтэж, дөрвөн хүн амиа алджээ. Тодруулбал, тавдугаар сарын 10-ны 19:00 цагт Дорноговь аймаг, Хатанбулаг сумын нутаг дэвсгэрт улсын дугааргүй мотоцикл онхолдож, жолооч нь  амиа алдсан байна.

Хүний амь үрэгдсэн осол, хэргээс дурдвал:

• Дорноговь аймаг, Хатанбулаг сумын нутаг дэвсгэрт тавдугаар сарын 10-ны 19:00 цагийн орчимд улсын дугааргүй мотоцикл шороон замд онхолдож, жолооч нь амиа алджээ.
• Булган аймаг, Орхон сумын нутаг дэвсгэрт тавдугаар сарын 10-ны 17:00 цагийн орчимд даун маркийн улсын дугааргүй мотоцикл шороон замд онхолдож, мөн жолооч нь амиа алдсан байна.
• Нийслэлийн Сонгинохайрхан дүүргийн нутаг дэвсгэрт тавдугаар сарын 12-ны 01:00 цагийн орчимд Баянхошууны замд Toyota-Prius маркийн автомашины жолооч явган зорчигчийг мөргөж, амийг нь хохироожээ.
• Төв аймаг, Жаргалант сумын нутаг дэвсгэрт тавдугаар сарын 13-ны 12:00 цагийн орчимд Hyundai-Porter маркийн автомашин ухрах үйлдэл хийхдээ найман настай хүүхдийг мөргөж, улмаар хүүхдийн амь хохирсон байна.

Хүн гэмтсэн ослыг хэлбэрээр нь авч үзвэл:

         Нийслэлд тавдугаар сарын 10-13-нд унадаг дугуйтай хоёр хүүхэд, 12 явган зорчигч автомашинд мөргүүлжээ. Айлын гэр дайрч, гэртээ байсан нэг иргэн мөргүүлж, гэмтсэн байна. Мөн хоёр автомашин мөргөлдөж зорчиж явсан хоёр хүүхэд бэртжээ.

Орон нутагт:

• Мотоцикл автомашинтай мөргөлдөж хоёр жолооч
• Автомашин шон мөргөж гурван зорчигч
• Мотоцикл онхолдож нэг зорчигч
• Хоёр автомашин мөргөлдөж гурван яорчигч гэмтсэн байна.

Тээврийн цагдаагийн алба хаагчдын хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчил нийслэлд 162, орон нутагт 78 нийт  240 бүртгэгджээ.

Жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  явган зорчигчид зам тавьж өгөх,  явган зорчигч та гарц, гарамтай хэсгээр зам гарах, бага насны хүүхдийг харгалзах хүнгүй замын хөдөлгөөнд оролцуулахгүй байх, автомашин хөдөлгөөн эхлүүлэхдээ зам, орчны байдлыг тогтмол шалгаж байх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэхгүй байхыг ЦАГДААГИЙН БАЙГУУЛЛАГААС АНХААРУУЛЖ БАЙНА.