Сэлбэ дэд төвийн дулааны станц барих ажлын явцтай Улаанбаатар хотын менежер Т.Гантөмөр танилцлаа. Өнөөдрийн байдлаар агааржуулалтын системийн угсралтын ажил, дотор засал, дулааны узель, холбоо дохиолол, уутан филтер, автоматик, дуу тусгаарлагч хана хийх зэрэг ажлуудыг 42 хүний бүрэлдэхүүнтэй дөрвөн бригад гүйцэтгэж байна.

Харин хоёр бригадын ажилчдаас коронавирусийн халдвартай иргэний ойрын хавьтал илэрсэн тул шинжилгээнд хамрагдах хүртэл дээрх ажлыг түр зогсоожээ.

Улаанбаатар хотын менежер Т.Гантөмөр “Өмнө нь яригдаж байсан зураг төслийн тулгамдсан ажлуудаас гадна тохижилт, авто замын зургууд бэлэн болсон тул ирэх долоо хоногт эдгээр ажлуудыг шуурхай эхлүүлэхийг төслийн нэгж, гүйцэтгэгч байгууллагуудад үүрэг болголоо. Мөн халдвар хамгааллын дэглэмийг тогтмол мөрдөж, аюулгүй ажиллагаагаа тогтмол мөрдөж ажиллахыг үүрэг болгов” гэлээ.