Улаанбаатар хотын гудамж талбайд 2016 оноос эхлэн тарьсан том оврын нарс моднуудыг угаах ажлыг өнөөдөр эхлүүллээ. Нийт таван бригад гарснаас дөрвөн  автомашин нь Энхтайваны өргөн чөлөө дагуу хоёр тийш, үлдсэн нэг автомашин нь Бага тойруугийн моддыг угаахаар ажиллаж байна. Хотын Ерөнхий менежер гаргасан хуваарийн дагуу жолооч, ТББ-ын хяналтын ажилтнуудад биечлэн маршрут, чиглэлийг тодорхойлон зааварчилгаа өглөө.

Түүнчлэн Нийслэлийн Удирдах ажилтнуудын шуурхай зөвлөгөөнөөр Хотын даргаас өгсөн үүргийн дагуу өнгөрсөн гуравдугаар сарын 30-наас эхлэн есөн дүүрэгт, нийтийн эзэмшлийн гудамж талбай, гэр хорооллын гудам, орон сууцны дундуур, хүн ихээр цугладаг байршлууд хүүхдийн тоглоомын талбай, автобусны буудал зэрэгт мананцарт халдваргүйтгэлийн ажлыг хоёр удаа хийгээд байна.