Онцгой байдлын ерөнхий газарт өчигдөр буюу дөрөвдүгээр сарын 16-нд бүртгэгдсэн галын дуудлага, мэдээллийг хүргэж байна. Өчигдөр аж ахуйн нэгж, байгууллагын өмч болон хувийн өмчид гал гарсан тухай найман дуудлага онцгой байдлын байгууллагад бүртгэгджээ. Тодруулбал, Говь-Алтай аймагийн Есөнбулаг сум, Түмэн багийн “Задгай” гэх газарт дугуйт ачигч шатаж байна гэсэн дуудлагыг өчигдөр 17:18 цагт хүлээн авсан байна.

Тус аймгийн Онцгой байдлын газрын Гал түймэр унтраах, аврах 59 дүгээр ангийн алба хаагчид 17:46 цагт очиход “Мандал голомт” компанийн тоосгоны үйлдвэрт “Ralex-290 LC-7A” загварын дугуйт өргөгч шатаж байсныг 18 минут ажиллаж унтраажээ.

ОБЕГ-т өчигдөр ирсэн гал түймрийн дуудлага:

-Баянзүрх дүүргийн 26 дугаар хорооны “Санто” хотхонд хог шатаж байна гэх дуудлагө өчигдөр  09:05 цагт Онцгой байдлын газарт бүртгэгджээ. Дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид 09:12 цагт очиход тус хотхоны нэгдүгээр давхраас 16 дугаар давхар хүртэлх цахилгаан дамжуулах кабел утас шатаж байсныг 10 минут ажиллаж унтраасан байна. Утаажилтын бүсээс 75 иргэнийг гаргасан бөгөөд угаартсан найман иргэнийг Нийслэлийн түргэн тусламжийн төвд хүргэжээ.

-Говь-Алтай аймгийн Дарви сум, II багийн “Эрдэнэ толгой” гэдэг газар малчин С-ын дөрвөн ханатай гэр өчигдөр 01:00 цагт шатсан тухай мэдээллийг хүлээн авчээ.     

Энэ тухай мэдээллийг тус сумын Засаг даргын Тамгын газрын дарга 12:50 цагт аймгийн Онцгой байдлын газарт ирүүлсэн байна.

-Баянхонгор аймгийн Баянлиг сум, Хатансуудал багийн “Задгай”-д иргэн Д-ийн 5 ханатай гэр дөрөвдүгээр сарын 15-нд 22:30 цагт шатсан тухай мэдээллийг хүлээн авсан.  

Иргэн Д-ийн 5 ханатай гэр шатсан тухай мэдээллийг тус сумын Засаг даргын Тамгын газрын дарга өчигдөр 15:08 цагт аймгийн Онцгой байдлын газарт ирүүлсэн.   

-Хэнтий аймгийн Биндэр сум, II багийн “Өлзийт” хорооллын 15 дугаар гудамжинд амбаар шатаж байна гэсэн дуудлагыг өчигдөр 16:31 цагт хүлээн авсан.

Тус аймгийн Онцгой байдлын газрын Гал түймэр унтраах, аврах 32 дугаар ангийн алба хаагчид 16:34 цагт очиход иргэн У-ын 1.5х2 метрийн хэмжээтэй амбаар шатаж байсныг 15 минут ажиллаж унтраасан. 

-Улаанбаатар хот, Хан-Уул дүүргийн 14 дүгээр хорооны “Уяачид”-ын нэгдүгээр гудамжинд гэр шатаж байна гэсэн дуудлагыг өчигдөр 16:39 цагт хүлээн авсан.    

Тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчид 16:52 цагт очиход иргэн Т-ын таван ханатай гэр шатаж байсныг 10 минут ажиллаж унтраасан.  

-Улаанбаатар хот, Баянгол дүүргийн 21 дүгээр хорооны 28 дугаар гудамжинд амбаар шатаж байна гэсэн дуудлагыг өчигдөр 18:41 цагт хүлээн авсан.  

Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 18:50 цагт очиход иргэн Б-ийн 2х3 метрийн хэмжээтэй амбаарын дээврийн хэсэг шатаж байсныг 10 минут ажиллаж унтраасан. 

-Улаанбаатар хот, Баянзүрх дүүргийн 20 дугаар хорооны “Баянтөхөм”-ийн долдугаар гудамжинд амбаар шатаж байна гэсэн дуудлагыг дөрөвдүгээр сарын 17-ны 01:16 цагт хүлээн авсан.     

Тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчид 01:25 цагт очиход иргэн Б-ийн 2х2 метрийн хэмжээтэй амбаарын дээврийн хэсэг шатаж байсныг 15 минут ажиллаж унтраасан байна.