Баянзүрх дүүргийн 26 дугаар хорооны иргэний гомдлын дагуу Скай хайпермаркет компанийн Хан-Уул дүүргийн 15 дугаар хороонд байрлах Имарт худалдааны төвийн салбарын захирал Н. Отгончимэгийг байлцуулан 2021 оны дөрөвдүгээр сарын 13-ны өдөр хэмжил зүйн хяналт шалгалт хийлээ. Шалгалтаар тус төвийн ажилтан нэг кг нь 16600 төгрөгийн усан үзмийг дутуу жинлэж савласан нь баримтаар тогтоогдсон байна. Тус төвөөс зөрчлийг газар дээр нь арилгуулж, дахин жинлэн савлаж худалдаасан байна. Иймд хэмжилтийг буруу хийсэн, дотоод хяналтыг хангалтгүй хийсэн Скай хайпермаркет компанийн Хан-Уул дахь салбарт “Зөрчлийн тухай” хуулийн дагуу 1.5 сая төгрөгийн торгууль ногдууллаа.

Цаашид иргэдэд сэрэмжлүүлэхэд савласан бүтээгдэхүүн худалдан авахдаа савласан бүтээгдэхүүний цэвэр тоон хэмжээг тухайн худалдааны төв, дэлгүүрийн “ХЯНАЛТЫН ЖИН” дээр шалгаж авах нь зүйтэй.

Нийслэлийн Мэргэжлийн хяналтын газар