Цагдаагийн алба хаагчид хэрэг илрүүлэх болон торгууль ногдуулах норм байдаг бөгөөд түүнийхээ дагуу ажилладаг, ингэхдээ хууль зөрчдөг гэх мэдээлэл гараад байгаа. Энэ талаар ЦЕГ-ын Хэвлэл, мэдээллийн төвийн ахлах мэргэжилтэн, цагдаагийн хошууч О.Эрдэнэхишиг тайлбар мэдээлэл өглөө.

Тэрбээр “Цагдаагийн байгууллагаас алба хаагчдад хүн торгох, хэрэг илрүүлэх тоо зааж өгч, үүнээс болж алба хаагч нар хууль зөрчдөг гэх мэдээлэл нь үндэслэлгүй болно. Харин алба хаагч болгон гэмт хэрэг, зөрчлийг гаргуулахгүй байх, гарсан гэмт хэрэг, зөрчлийг шуурхай илрүүлэхийн төлөө ажилладаг. Иймд үндэслэлгүй ташаа мэдээлэл гаргахгүй байхыг хүсч байна” гэлээ.