Гэр бүл, хөдөлмөр, нийгмийн хамгааллын сайд Т.Аубакир, тус яамны Төрийн нарийн бичиг дарга Л.Мөнхзул нар өнөөдөр /2025.06.24/ “Холч хараа өрнүүн дэлгэрэх” ТББ-ын гишүүд болон хөгжлийн бэрхшээлтэй иргэдийн төлөөлөлтэй уулзлаа. Уулзалтын үеэр Хөгжлийн бэрхшээлтэй иргэдийн хөдөлмөр эрхлэлтийг дэмжих хөтөлбөрийн хэрэгжилт удаашралтай байна.Хөгжлийн бэрхшээлтэй иргэдийн хөдөлмөр эрхлэлтийг дэмжих сангийн мөнгөний зарцуулалтад тавих хяналтыг илүү сайжруулах хэрэгтэй.2025 оны 03 дугаар сард Хөгжлийн бэрхшээлтэй хүний хөгжлийн ерөнхий газрын дэргэд Хөгжлийн бэрхшээлтэй хүний хөдөлмөр эрхлэлтийг дэмжих төв ашиглалтад орсон ч үйл ажиллагаа нь удаашралтай байна.Үүнтэй холбоотойгоор зарим удирдах албан тушаалтнуудад хариуцлага тооцох хэрэгтэй гэдгийг Хөгжлийн бэрхшээлтэй иргэдийн төлөөлөл хэлсэн. Гэр бүл, хөдөлмөр, нийгмийн хамгааллын сайд Т.Аубакир тэдний хүсэлтийг хүлээн авч, Хөгжлийн бэрхшээлтэй хүний хөгжлийн ерөнхий газарт очиж ажиллах бөгөөд ажил сайжруулах тухай Сайдын албан даалгавар гаргаж ажиллахаа илэрхийлэв. Цаашид бусад агентлаг, харьяа байгууллагын үйл ажиллагаатай ч очиж танилцах юм байна.