Замын-Үүдийн цагдаа нар дарга нарынхаа зараалаар архи зөөж явахдаа осолдож, нэг нь нас барсан гэх мэдээлэл олон нийтийн сүлжээгээр цацагдсан. Энэ талаар ЦЕГ-ын Хэвлэл мэдээллийн мэргэжилтнээс тодрууллаа.

     Тэрбээр “Энэ сарын 7-нд Дорноговь аймгийн Замын-Үүд суманд цагдаагийн дөрвөн алба хаагч осолдсон нь үнэн.  Гэхдээ осолдсон машинд олон нийтийн сүлжээгээр цацагдаад байгаа шиг архи, согтууруулах ундааны зүйл тээвэрлэж явсан ул мөр илрээгүй. Мөн цагдаагийн алба хаагчид согтууруулах ундааны зүйл хэрэглээгүй байсан. Тэд ажлын өдөр, ажлын цагаар сумандаа зорчиж явахдаа зам тээврийн осолд орсон. Ослын улмаас манай эмэгтэй алба хаагч нас барсан. Зарим нь эмнэлэгт хүргэгдсэн. Одоогоор шалгалтын ажиллагаа үргэлжилж байгаа” гэв.