Улсын хэмжээнд өнөөдрийн 11:30 цагийн байдлаар Сэлэнгэ аймагт 14 түймэр бүртгэгджээ. Сэлэнгэ аймгийн Хүдэр сумын "Сөдтэйн даваа", Мандал сумын "Чинчулуу уул" гэдэг газар гарсан хоёр ойн түймрийг цурамд оруулж, Ерөө суманд зургаа, Мандал суманд дөрвөн, Хүдэр суманд нэг, Цагааннуур суманд нэг буюу нийт 12 ойн гал түймрийг унтраахаар ажиллаж байна. Түймрийн голомтод төв, орон нутгийн Онцгой байдлын байгууллагын 348 алба хаагч, 10 автомашин, орон нутгийн мэргэжлийн ангийн 43 хүн, 5 автомашин, буюу нийт 391 хүн, 15 автомашинтайгаар үүрэг гүйцэтгэж байна.

 Он гарсаар хойш 169 удаагийн ой, хээрийн түймэр бүртгэгдсэн бөгөөд дээрх бүртгэгдсэн түймрийн 23 хувийг түймрийн дулааны цэг илрүүлэх сайтаар, 6.5 хувийг нисдэг тэргээр тандалт хийн илрүүлж, шуурхай арга хэмжээг авч ажиллажээ.