Өнгөрсөн зургадугаар сард манай улсын хэмжээнд дунджаар 28.5 мм хур тунадас орсон нь өмнөх жилээс 38.2 хувиар, олон жилийн дунджаас 20.1 хувиар бага үзүүлэлттэй байна. 1940 оноос хойш бүртгэгдэж буй хамгийн бага хур тунадастай саруудын 25 дахь тохиолдол болж бүртгэгджээ. Цаг уур, орчны шинжилгээний газрын мэдээлснээр, сарын нийлбэр хур тунадасны олон жилийн дунджаас хазайх хандлагыг авч үзэхэд:

Нийт нутгийн 27.1 хувь нь олон жилийн дунджаас ахиу хэмжээтэй

62.8 хувь нь дунджаас бага 

10.1 хувь нь дунджийн орчим хур тунадас орсон байна.

Хөвсгөл аймгийн Хатгал суманд зургадугаар сарын 20-нд 53.3 мм хур тунадас орж хамгийн их хур тунадас орсон өдөр болжээ.