Монгол Улсад кино урлаг үүссэний 90 жилийн ойг тохиолдуулан “Киноны Нүүдэл” олон улсын кино форум хоёр дахь удаагаа  Чингис хаан музейн хурлын танхимын 7 давхарт 10:00–17:00 цагийн хооронд зохион байгуулагдаж байна. Форумын хүрээнд олон улсын кино сан болон кино хөгжүүлэлтийн хөтөлбөрүүд, хамтарсан бүтээлийн боломжуудыг танилцуулж, “Олон улсын кино хөгжүүлэлт” сэдэвт хэлэлцүүлэг өрнүүлэх ажээ.

Тус арга хэмжээнд АНУ-ын Sundance Institute, Италийн Венецийн кино наадам, Германы Berlinale Talents, Францын La Fabrique cinema, Нидерландын Hubert Bals Fund, Катарын Doha Film Institute, Данийн Европын продюсерийн клуб, Монголын Кино урлагийн зөвлөл зэрэг байгууллагын уран бүтээлчдэд оролцож байна. Энэхүү форумд кино найруулагч, продюсер, зохиолч, контент бүтээгчид, кино салбарын мэргэжилтнүүд, оюутан, сонирхогчид болон олон улсын түгээгчид оролцох боломжтой. Мөн Сандэнс Коллаб, “Киноны Нүүдэл”-ийн хамтарсан сургалтын төгсөлтийн ёслол болно.