Өмнөд Солонгосын дэлхийд алдартай охидын хамтлаг BLACKPINK Японы нэртэй пивоны брэнд болох Asahi Super Dry-ийн нүүр царайгаар ажиллахаар болсон тухай гадаад эх сурвалжууд мэдээллээ.

Хамтлагийн дөрвөн гишүүн оролцсон анхны зар сурталчилгааны богино хэмжээний видео болон зураглал цахим сүлжээнд тархсан бөгөөд албан ёсны зарлал ойрын хугацаанд хийгдэхээр хүлээгдэж байгаа ажээ. Энэ нь BLACKPINK хамтлагийн 2023 оноос хойших анхны брэндтэй хийж буй хамтын ажиллагаа болж байна. “Asahi Super Dry” нь Японы хамгийн олон улсын зах зээлд экспортлодог нэрийн пиво юм.