Монгол Улсад Автотээврийн салбар үүсэж хөгжсөний 100 жилийн ой энэ онд тохиож байна. Энэ хүрээнд өнөөдөр Төрийн ордны Их танхимд “Автотээвэрчдийн Улсын III зөвлөгөөн”-ийг зохион байгуулж байна. Зөвлөгөөнийг нээж Монгол Улсын Засгийн газрын гишүүн, Зам тээврийн сайд Б. Дэлгэрсайхан нийт тээвэрчиддээ хандаж баяр хүргэж, үг хэллээ. Өнөөдрийн зөвлөгөөнд төлөөлөл болон Монгол Улсын 21 аймгаас ахмад болон залуу үеийн тээвэрчид оролцож байна.