2025 оны долдугаар сарын нийгмийн халамжийн тэтгэвэр, тэтгэмжийг Үндэсний их баяр наадмын өмнө иргэдийн дансанд шилжүүлэхээр болжээ. Хөдөлмөр, халамжийн үйлчилгээний ерөнхий газраас мэдээлснээр баярын өдрүүдээр иргэдийн хэрэглээ нэмэгддэгтэй холбогдуулан тэтгэмжийн олголтыг урьтаж, долдугаар сарын 5-наас эхлүүлнэ. Энэ удаагийн олголтод:

• өндөр настны тэтгэвэр

 • хөгжлийн бэрхшээлтэй иргэдийн тэтгэмж

 • өрх толгойлсон эцэг, эхийн дэмжлэг

• хүүхдийн тэтгэмж

• хүнд нөхцөлд амьдарч буй иргэдэд үзүүлдэг халамжийн мөнгөн дэмжлэг багтсан байна.

Тэтгэмжийг ажлын өдрүүдэд багтаан иргэдийн данс руу шууд шилжүүлэх ажээ. Ийнхүү тэтгэмжийн олголтыг урьдчилан хийх нь баяр наадмын өдрүүдээр иргэд санхүүгийн хомсдолд орохгүй байх нөхцөл бүрдүүлэх зорилготой гэж холбогдох албаны хүмүүс онцолж байна.