Төв цэнгэлдэх хүрээлэнгийн сайжруулсан зүлгийг хиймэл бороо оруулж, бөхчүүдийг барилдуулан туршиж байна. Энэ үеэр улсын харцага Н.Золбоо мэдээлэл өглөө.

Тэрбээр “Ус асгахаас өмнө барилдахад халтирах нь бага байсан ч устай болсны дараа илүү халтирч байна. Ус асгараас өмнөх болон дараах байдал өөр байна. Таримал зүлэг, хиймэл зүлэг хоёр адилхан халтирдаг. Бөхчүүд байгалийнхаа зүлэг дээр барилдахыг илүүд үздэг. Гэхдээ хиймэл зүлгэн дээр барилдах нь тодорхой боллоо. Энэ жил бэртэл гэмтэлгүй, халтирч унаад хийсэн хөдөлмөрөө талаар болгохгүй сайхан наадам болоосой гэж хүсэж байна. Наадмаас өмнө бөхчүүдийгээ ирээд зүлгэн дээрээ барилдаад үзээрэй гэж хэлье” гэв.