УИХ-ын гишүүн С.Ганбаатарын гэрт АТГ-аас нэгжлэг хийсэн гэх мэдээлэл гарсан. Энэ дагуу бид Авлигатай тэмцэх газрын Хэвлэл мэдээлэл, олон нийттэй харилцах мэргэжилтэн, комиссар Б.Билэгтээс нөхцөл байдлыг тодрууллаа. Тэрбээр "Бид Монголын үйлдвэрчний эвлэлийн холбооны албан тушаалтнуудтай холбоотой аж ахуй нэгжид шалгалтын ажиллагаа явуулсан. Энэ хүрээнд Баянзүрх дүүргийн нутаг дэвсгэрт байх дотроо айл амьдардаг гурван том обьектод шалгалт хийсэн. Тус аж ахуй нэгжүүдэд С.Ганбаатар гишүүний бүртгэлтэй нэг ч аж ахуй нэгж байгаагүй. Гишүүний гэрт болон дүүгийнх нь гэрт шалгалт явуулсан гэдэг худал мэдээлэл" гэв.