УИХ-ын С.Ганбаатарын гэрт нэгжлэг хийсэнтэй холбоотой АН-ын бүлгээс мэдээлэл өглөө. Энэ үеэр АН-ын Бүлгийн дарга О.Цогтгэрэл “Сүүлийн үед үзэл бодлоо илэрхийлсэн иргэдийг гүтгэдэг, дайрдаг, доромжилдог, хуулийн байгууллагаар дарамталдаг байдал улам хүчээ авч байна. Үүний нэг жишээ УИХ-ын гишүүн С.Ганбаатарт илэрч байна гэж үзэж байна. С.Ганбаатар гишүүний асуудлын ард улс төр явж байгаа. Түүнд тохиолдсон явдал нь зөвхөн нэг байгууллагын асуудал гэхээс илүүтэй Монголын парламентын дархлаа алдагдаж байгаа юм биш биз дээ гэж бодож байна. Үүний хүрээнд бүлгийн гишүүд байр сууриа илэрхийлнэ” гэлээ.