Говь-Алтай аймгийн Есөнбулаг сумын Баянхайрхан, Баяншанд, Харзат багийн нутагт зургаадугаар сарын 22-ны 18:45-19:50 цагийн хооронд хүчтэй дуу цахилгаантай аадар бороо орсны улмаас үер буужээ. Тус өдрийн 19:20 цагт Онцгой байдлын ерөнхий газарт иргэдээс үерийн дуудлага ирсэн байна. Аймгийн Онцгой байдлын газрын Эрэн хайх, аврах салбарын алба хаагчид газар дээр нь шуурхай ажиллаж, нийт 13 өрхийн 13 гэр, 9 хашаа, 1 аж ахуйн нэгж, байгууллагын барилга үерт автсаныг тогтоон, 25 метр урт шуудуу татаж усны урсгалыг өөрчлөх, далан шуудууг нээх арга хэмжээг авчээ.