• Өнөөдөр 2025-06-19

П.Сайнзориг: Хууль өргөн барихаас өмнө хууль санаачлагчийн эрхийг хязгаарлаж болохгүй

2025-06-19,   148

УИХ-ын чуулганы нэгдсэн хуралдаан үргэлжилж байна. Энэ үеэр УИХ-ын гишүүн П.Сайнзориг төслийн нэгдүгээр зүйлийн 15 заалт буюу 41.4 хэсгийг хасах саналыг гаргалаа. Тэрбээр “Гишүүдийг энэ саналыг дэмжиж өгөөч гэж хүсэж байна. Хууль өргөн мэдүүлэхээс өмнө хууль санаачлагчийн бүрэн эрхэд тодорхойгүй байдал үүсгэхээр заалт байгаа. УИХ-ын Тамгын газрын судалгааны асуудал эрхэлсэн хүрээлэн энэ хуулийн 17.2т заасан хууль тогтоомжийн төслийг хүний эрхэд нөлөөлөх байдлын үнэлгээг ажлын таван хоногт хийнэ гэж заасан байдаг. Хууль өргөн барихаас өмнө ийм зүйл хийж болохгүй. Одоо ч практикаар хийж байна. Үүнийг төслийн үр нөлөөгөөр хийдэг. Уг асуудлыг агуулгын хувьд цаашдаа УИХ-ын дэгийн тухай хуульд оруулж өгөөч гэж хүсэж байна. Өргөн баригдаж хэлэлцэхээр шийдсэний дараа, ажлын хэсэг болон УИХ-ын даргаас байнгын хорооноос чиглэл өгсний дагуу өргөн барьсан төсөл дээр судалгааны хүрээлэн дүгнэлт гаргадаг байх ёстой. Хууль өргөн барихаас өмнө маргаан, хууль санаачлагчийн эрхийг хязгаарлах зүйл байж болохгүй” гэв. Энэхүү саналыг УИХ-ын 55 гишүүн буюу 57.3 хувь дэмжлээ.


П.Сайнзориг: Хууль өргөн барихаас өмнө хууль санаачлагчийн эрхийг хязгаарлаж болохгүй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.