УИХ-ын чуулганы хуралдаан үргэлжилж байна. Энэ үеэр УИХ-ын гишүүн Б.Пүрэвдорж П.Сайнзориг гишүүнд хандаж үг хэллээ. Тэрбээр “МАН-ын хоёр гурван гишүүн хоорондоо зөрчилдөөд байгаа. Юунаас болсон бэ гэхээр, П.Сайнзориг гишүүн юмны учрыг мэддэггүй. Өөрөөр хэлбэл Улаанбаатар хот руу орж ирж байгаа орон нутгийн иргэдээс автомашины төлбөр авахгүй болгож байна гэж хэсэг ярьсан. Орон нутгийн дугаартай машины хураамжийн шийдвэрийг хуулийн дагуу иргэдийн хурал гаргасан. Хуулиар бол иргэдийн хурлаар гарч байгаа шийдвэрт ямар ч нөлөө үзүүлж болохгүй. Энэ бол нутгийн өөрөө удирдах байгууллагын бүрэн эрхийн асуудал. Татвар хураамж ноогдуулах асуудлыг хотын даргад өгч болохгүй гэдэг асуудал байгаа юм. Эхнээсээ Х.Нямбаатарт үнэнч царайлах гэж явж байгаад тэнэгээ хамгаалж байхан давхиад тэрийг О.Номинчимэг гээд бусад гишүүд эсэргүүцэж яриад байгаа. О.Номинчимэг гишүүн олон жил хууль эрх зүйгээр явсан мэдлэгтэй хүн. Эмэгтэй гишүүд рүү битгий дайраад байгаарай” гэв.

 Харин түүний хариуд П.Сайнзориг гишүүн “УИХ-ын дарга Д.Пүрэвдорж гишүүн таныг хариуцлагатай байхыг шаардаж байна. Татварыг Иргэдийн төлөөлөгчдийн хурал юм уу нийслэл тогтоодоггүй. Малын хөлийн татварыг та батлалцсан. 330 сумын эрх байхгүй болох гээд байгааг хэлсэн. Газрын татварыг орон нутаг өөрөө тогтоодог. Та бол парламентад алиалагч хийдэг хүн шүү дээ. Намын дарга болохын тулд битгий хоёрын хооронд хогийн юм хийж бай. О.Номинчимэг гишүүн та хоёрыг ямар харилцаагаар гайгүй гэдгийг мэдэхгүй байна. Та хуулийг буруу хэлж миний гаргаагүй саналыг ингэж тайлбарлаж байгаа бол битгий андуураад байгаарай гэж танд хэлье. Д.Пүрэвдорж гэж нөхөр намын дарга болох гээд бүх зүйл дээр хоосон Пи-Ар хийдэг" гэв.